తెలుగు చిత్ర సీమ ఘనతను చాటి చెప్పిన సినిమా బాహుబలి ఫ్రాంఛైజీ. దర్శక ధీరుడు ఎస్ ఎస్ రాజమౌళి రూపొందించిన బాహుబలి బిగినింగ్, బాహుబలి కన్క్లూజన్ తో మన తెలుగు సినిమా హాలీవుడ్ సినిమాలకి ఏమాత్రం తీసిపోదని నిరూపించాడు ఈ దర్శక ధీరుడు. అంతేకాదు ప్రభాస్ ఈ సినిమాతో పాన్ ఇండియన్ స్టార్ గా మారిపోయాడు. బాహుబలి రెండు భాగాలకి దాదాపు 4 ఏళ్ళు సమయం కేటాయించిన ప్రభాస్ కి జీవితం మొత్తం తరగని పాపులారిటీని ఇచ్చాడు రాజమౌళి.
ఇక ఈ సినిమాలో భాగమైన ప్రతీ ఒక్కరికి మైల్ స్టోన్ లా నిలిచిపోయింది. ఈ రోజు తెలుగు సినిమా ఇండస్ట్రీలో ఇన్ని భారీ బడ్జెట్ సినిమాలు పాన్ ఇండియన్ స్థాయిలో రూపొందుతున్నాయంటే ఖచ్చితంగా ఆ గొప్పతనం రాజమౌళి దే అని చెప్పాల్సిందే. ముఖ్యంగా బాహుబలి సినిమా ఇంత పెద్ద సక్సస్ కావడానికి బాలీవుడ్ ప్రేక్షకులది కీలక పాత్ర ఉందని చెప్పుకుంటున్నారు.
ప్రస్తుతం ఐపీఎల్ సీజన్ మొదలు పెట్టినప్పటికీ బాలీవుడ్ లో బాహుబలి 2 సినిమా డామినేషన్ ని ఎవరూ ఊహించలేకపోతున్నారు. గత సెప్టెంబర్ నాలుగో వారం టెలికాస్ట్ చేసిన బాహుబలి 2 సినిమాకు భారీ స్థాయిలో అంటే 55 లక్షల వరకు వ్యూవర్ షిప్స్ తో హిందీలో టాప్ 5 ప్రోగ్రామ్స్ లో నెంబర్ 1 స్థానంలో నిలిచింది అందరిని ఆశ్చర్యపరచింది. ఇలా జరగడం ఇదే మొదటిసారి కాదు. బాలీవుడ్ లో బాహుబలి సినిమాలని ఎప్పుడు టెలికాస్ట్ చేసిన ఇదే రిపీటవుతుండటం గొప్ప విషయం.
వాస్తవంగా చెప్పాలంటే ఇలా ఏ హిందీ సినిమా విషయంలో జరగకపోవడం కూడా బాలీవుడ్ మేకర్స్ ని ఆలోచనలో పడేసింది. అంతేకాదు ఇప్పుడు ప్రభాస్ తో సినిమా అంటే కనీసం 200 కోట్లకి పైగానే బడ్జెట్ కేటాయిస్తున్న మేకర్స్ ఖచ్చితంగా పాన్ ఇండియన్ సినిమాగానే రూపొందిస్తున్నారు. ఇప్పటికే గత రెండు మూడేళ్ళుగా ఖాన్ ల త్రయానికి సరైన సక్సస్ లు దక్కడం లేదు. ఇప్పుడు ప్రభాస్ ప్రభంజనం కూడా చమటలు పట్టిస్తుందని ఫ్యాన్స్ చెప్పుకుంటున్నారు.