మీకు జబర్దస్త్ నవీన్ తెలుసా? జబర్దస్త్ చూసేవాళ్లకు పరిచయం ఉన్న పేరే. అదిరే అభి స్కిట్ లో కంటెస్టెంట్ గా చేస్తుంటాడు. పెద్ద గడ్డం వేసుకొని 60 ఏళ్ల ముసలాడిలా ఉంటాడు నవీన్. కానీ.. ఆయన వయసు ఎంతో తెలిస్తే మీరు నోరెళ్లబెడతారు. ఆయన వయసు కేవలం 43 ఏళ్లు మాత్రమే. కానీ.. ఆయన చూడటానికి పెద్ద మనిషిలా ఉంటాడు.
ఈయనకు జబర్దస్త్ నవీన్ తో పాటు గడ్డం నవీన్ అనే పేరు కూడా ఉంది. ఆయన ఎప్పుడూ చూసినా గడ్డంతోనే కనిపిస్తాడు. గడ్డమే తనకు ఎన్నో అవకాశాలను తెచ్చిపెట్టిందట. అందుకే ఆయన గడ్డం తీయడు. ఈయన్ను చాలామంది జూనియర్ రాఘవేంద్రరావు అని కూడా పిలుస్తుంటారు. కొన్ని సినిమాల్లో రాఘవేంద్రరావు వేషం కూడా వేశారు నవీన్. చాలా సినిమాల్లో క్యారెక్టర్ ఆర్టిస్ట్ గా నవీన్ నటించారు.
ప్రస్తుతం ఆయన ఇల్లు, కారుకు సంబంధించిన వీడియోలు సోషల్ మీడియాలో వైరల్ అవుతున్నాయి. తన దగ్గర ఎంత ఆస్తి ఉందో వీడియోలో చూపించాడు నవీన్. తన దగ్గర ఉన్నది ఓ పాత కారు మాత్రమే. తన ఇల్లు కూడా పాతదే. పెద్దగా తనకు ఆస్తిపాస్తులేవీ లేవని.. ఉన్న ఆస్తులు ఈ పాత ఇల్లు, పాత కారు మాత్రమేనని ఎంతో నిజాయితీగా నవీన్ చెప్పడం అందరినీ ఆశ్చర్యానికి గురి చేసింది. కారు కూడా జబర్దస్త్ ద్వారా వచ్చిన ఆదాయంతోనే కొన్నట్టుగా నవీన్ చెప్పుకొచ్చాడు.
