థియేటర్లన్నీ అర్ధాంతరంగా మూసివేసిన తర్వాత వాటి ద్వారా విడుదలైన సినిమాలు అన్నింటిలో దాదాపు ఏదీ జనాలను పెద్దగా ఆకట్టుకోలేదు. ఇక మరికొద్ది రోజుల్లో థియేటర్లు తెరుస్తారు అనగా వరుసబెట్టి హిట్ చిత్రాలు రావడం మొదలయ్యాయి. ఇదే సెంటిమెంట్ తో తెలుగు నుండి మరొక చిన్న బడ్జెట్ చిత్రం అయిన మిడిల్ క్లాస్ అమెజాన్ ప్రైమ్ లో విడుదలైంది. విజయ్ దేవరకొండ తమ్ముడు ఆనంద్ దేవరకొండ, వర్ష బొల్లమ్మ హీరో హీరోయిన్లుగా నటించిన ఈ చిత్రం ప్రేక్షకులను ఎంతవరకూ ఆకట్టుకుందో చూద్దాం…
కథ :
హీరో రాఘవ (ఆనంద్ దేవరకొండ) తన అమ్మ లక్ష్మి (సురభి ప్రభావతి) దగ్గర నుండి నేర్చుకున్న బొంబాయి చెట్ని చేయడంలో సిద్ధహస్తుడు. ఇక అతను తనకు వచ్చిన ఆ బొంబాయి చెట్ని ని గుంటూరు మొత్తం ఫేమస్ చేద్దామని డిసైడ్ అవుతాడు. ఇక అతని తండ్రి కొండల్ రావు (గోపరాజు రమణ) కి నోటి దురుసు ఎక్కువ. ఇక అదే వైఖరి అతని కొడుకుకి కూడా వచ్చింది. చిన్న టిఫిన్ సెంటర్ పెట్తుకొని జీవనం సాగించే కొండలరావు, అతని కొడుకు ఎన్నో ఆశలతో నగరానికి వస్తారు. ఇక సంధ్య (వర్ష బొల్లమ్మ) తో రాఘవ కొద్ది సంవత్సరాల నుండి ప్రేమాయణం నడుపుతుంటాడు. అయితే వారిద్దరూ కలవడానికి మాత్రం నానా ఇబ్బందులు పడుతుంటారు. ఇక సంధ్య కన్నా బొంబాయి చెట్ని ఫేమస్ చేయడమే రాఘవ మొదటి లక్ష్యం. ఇక అక్కడి నుండి అతను తన ఆశయాన్ని రాఘవ సాధించాడా లేదా..? మధ్యలో అతని ప్రేమ కథ ఏమైంది అన్నదే చిత్రం….
ప్లస్ లు:
హీరో తండ్రి కొండలరావు క్యారెక్టర్
హీరో ఫ్రెండ్ లవ్ ట్రాక్
బ్యాక్ గ్రౌండ్ మ్యూజిక్
సినిమాటోగ్రఫీ
మైనస్ లు:
హీరో పర్ఫార్మెన్స్
స్క్రీన్ ప్లే
నరేషన్
సైడ్ క్యారెక్టర్స్ సెలక్షన్
విశ్లేషణ:
హీరో ఆనంద్ దేవరకొండ కి మొదటి చిత్రం ఫ్లాప్ అయిన తర్వాత ఇది మంచి కం బ్యాక్ అనే చెప్పాలి. ఆనంద్ నటుడిగా పర్వాలేదు అనిపిస్తే వర్ష బొల్లమ్మ మాత్రం పూర్తి మార్కులు కొట్టేసింది. డైరెక్టర్ వినోద్ అనంతోజు బాగా ప్రశాంతమైన వాతావరణాన్ని స్క్రీన్ పైన చక్కగా చూపించాడు. ఇక ఇందులో ప్లస్ పాయింట్ ఏమిటంటే మనం రోజు చూసే క్యారెక్టర్లను చాలా అందంగా మనకు తీర్చిదిద్దడమే. ప్రతి సన్నివేశం రాఘవ కథను, ఆశయాన్ని మరింత బలపరుస్తుంది. ఎక్కడా ఎమోషన్ ఓవర్ కు పోకుండా కామెడీని. కోపాన్ని రెండింటిని చాలా సహజంగా చిత్రీకరిస్తూ, బ్యాలెన్స్ చేస్తూ దర్శకుడు ప్రదర్శించే నైపుణ్యం చాలా బాగుంది. తరుణ్ భాస్కర్ కామియో చిత్రానికి ప్రధాన ఆకర్షణ. జనార్థన్ పసుమర్తి డైలాగ్స్, స్వీకర్ అగస్తి మ్యూజిక్ ఈ చిత్రానికి ఊపిరి పోశాయి. అయితే కథలో కొంచెం హీరోయిజం లోపించడం, కొన్నిచోట్ల మ్యూజిక్ తేలిపోవడం ప్రేక్షకులకు కొద్దిగా ఫీల్ లోపించినట్లు ఉంటుంది. ఇక కొన్ని అనవసరమైన ట్రాక్లు కూడా స్క్రీన్ ప్లే ను సాగదీసినట్లు ఉంటాయి. రెండో భాగం కన్నా మొదటి భాగం చాలా బాగా ఉండడంతో ప్రేక్షకుడికి కొద్దిగా అసంతృప్తి ఉంటుంది కానీ మొత్తానికి చిత్రం మాత్రం చాలా చక్కగా, అందంగా మొదలవుతుంది…. కొనసాగుతుంది…. ముగుస్తుంది.
చివరి మాట : రాఘవ ‘ప్రేమ’ తో చేసిన బొంబాయి చెట్ని టేస్టు బాగుందండోయ్….