దాదాపు 15 వారాలు 2 తెలుగు రాష్ట్రాల్లో తెలుగు బుల్లితెర ప్రేక్షకులందరికీ విపరీతమైన ఎంటర్టైన్ మెంట్ ఇచ్చిన వరల్డ్ బిగ్గెస్ట్ రియాలిటీ షో బిగ్ బాస్ చివరి దశకు చేరుకుంది. ఫైనలిస్తులు ఐదుగురు ఒక వారం మొత్తం సరదాగా గడిపిన ఫైనల్ వీక్ లో ఒకరు టైటిల్ విజేతగా నిలబడనున్నారు. ఇక ఇన్ని వారాలపాటు ప్రేక్షకులు ఆదరించిన ఆ చివరి ఐదుగురు కంటెస్టెంట్స్ నిజానికి ఎవరికి వారే విజేతలు అని చెప్పాలి.
ఇక విన్నర్ ఎవరు అన్న విషయంపై సర్వత్రా ఆసక్తికరమైన చర్చలు జరుగుతున్న నేపథ్యంలో దాదాపు చాలామంది అభిజిత్ పేరే చెబుతున్నారు రెండవ స్థానంలో సోహెల్ వచ్చే అవకాశాలు ఎక్కువగా ఉన్నాయని అంటున్నారు. నిన్న శుక్రవారం తో ఓటింగ్ లైన్స్ మూసివేశారు. ఇక రేపు విజేత ఎవరో ప్రకటిస్తారు. ఇలాంటి సమయంలో ఒక కీలక సమాచారం బయటకు వచ్చింది.
శుక్రవారం అర్ధరాత్రి ఓటింగ్ ముగిసే సమయానికి కొద్ది గంటల ముందు బోల్డ్ కంటెస్టెంట్ అరియానా కి ఓట్లు భారీస్థాయిలో పిల్ అయ్యాయట. మిగిలిన నలుగురు తో ముఖ్యంగా అభి, సోహెల్ తో పోల్చుకుంటే అరియానా ఓట్ల శాతం చాలా ఎక్కువగా పెరిగింది అని చెబుతున్నారు. ఏమైందో ఏమో కానీ చివరి గంట లో ఆమె ఒక్కసారిగా ముందుకు దూసుకుపోయింది అని వార్తలు వచ్చాయి. ఐతే అభిజిత్ మొదటి స్థానానికి ముప్పు ఏమీ రాలేదని కానీ అరియానా రన్నరప్ తో సరిపెట్టుకోవలసి వచ్చింది అని అంటున్నారు. అయితే ఒకసారి అరియానా అన్ని ఓట్లు ఎలా పోల్ అయ్యాయి అన్నది ఇంకా ఆసక్తికరమే.