ఇమ్ము.. అంటే తెలుసు కదా.. అదేనండి.. జబర్దస్త్ ఇమ్మాన్యుయేల్. ప్రస్తుతం జబర్దస్త్ లో ఇమ్మాన్యుయేల్ కు ఫుల్లు డిమాండ్ ఏర్పడింది. ఓవైపు వర్షతో రొమాన్స్ చేస్తూ కామెడీని బాగానే పండిస్తున్నాడు ఇమ్మాన్యుయేల్. ఒకప్పుడు సుడిగాలి సుధీర్, హైపర్ ఆదికి ఎంత క్రేజ్ ఉండేదో.. ఇప్పుడు ఇమ్మాన్యుయేల్ కు అంత క్రేజ్ వచ్చింది.
సోషల్ మీడియాలో ఎక్కడ చూసినా.. ఇమ్ము, వర్ష జంట గురించే ముచ్చట్లు. మొత్తం మీద ఇమ్మాన్యుయేల్ తంతే గారెల బుట్టలో పడ్డాడు. సెలబ్రిటీ అయిపోయాడు. ఎక్స్ ట్రా జబర్దస్త్, జబర్దస్త్ అనే తేడా లేకుండా రెండు షోలలో స్కిట్లు చేసి బాగానే వెనకేసుకుంటున్నాడు.
ఇక.. తాజాగా ఎక్స్ ట్రా జబర్దస్త్ ప్రోమో విడుదలయింది. అందులో కూడా మరోసారి ఇమ్మాన్యుయేల్, వర్ష జంట ఇరగదీశారు. అయితే.. స్కిట్ లో భాగంగా.. ఇమ్మాన్యుయేల్.. రోజాను అత్తమ్మ అని అనడంతో రోజాకు సుర్రుమంది. నువ్వు ఇంకోసారి నన్ను అత్తమ్మా అని అంటే మంచిగుండదు అంటూ రోజా వార్నింగ్ ఇచ్చినా కూడా మరోసారి ధైర్యం చేసి.. ఇమ్మాన్యుయేల్ అత్తమ్మా అని అనేశాడు. దీంతో రోజా.. నువ్వు ఇలాగే అంటే నేను నీళ్లు లేని బావి చూసుకొని దూకేస్తా.. అంటూ బెదిరించేసింది. దీంతో ఇమ్మాన్యుయేల్ కూడా సైలెంట్ అయిపోయాడు. జబర్దస్త్ స్టేజ్ మీదనే అందరి ముందు రోజా అలా అనేసరికి.. సెట్ లోని వాళ్లంతా ఒక్కసారిగా షాక్ అయ్యారు.
దానికి సంబంధించిన ప్రోమోను మీరు కూడా చూసేయండి. ఈ ఎపిసోడ్ సంక్రాంతి స్పెషల్ గా ప్రసారం కానుంది.