ఎలా ఉన్నావ్.. ఎక్కడున్నావ్.. ఏం చేస్తున్నావ్.. నీతో కాసేపు మాట్లాడాలని ఉంది.. కొంచెం సేపు చాట్ చేయవా.. వీటితో పాటు emojis , వీడియో కాల్ కు కేరాఫ్ అడ్రస్ మెసేజింగ్ యాప్స్.. ఆండ్రాయిడ్ లో బాగా పాపులర్ మెసేజింగ్ యాప్ లలో హైక్ ఒకటి.. మన భారతీయులు రూపొందించిన హైక్ మెసేజింగ్ యాప్ Hike messaging app ఒకప్పుడు 100 మిలియన్ల యూజర్లను సంపాదించుకుంది..! ప్రస్తుతం హైక్ సీఈవో భారతి మిట్టల్ ట్విట్టర్ వేదికగా హైక్ క్లోజ్ చేస్తున్నట్లు ప్రకటించారు.. దీనికి సంబంధించిన పూర్తి సమాచారం ఇప్పుడు తెలుసుకుందాం..!
2012లో హైక్ యాప్ కు విశేష స్పందన లభించింది. స్టిక్కర్స్ చాట్స్ అని కూడా మనం పిలుచుకున్నా ఫ్రీ వైర్ , ఇన్స్టంట్ మెసేజింగ్ అప్లికేషన్ తర్వాత కాలంలో వాట్సాప్ ధాటికి తట్టుకొని నిలబడలేక పోయింది. 2016 ఆగస్టు నాటికి దాదాపు 100 మిలియన్ రిజిస్టర్డ్ యూజర్లను సంపాదించుకుంది. భారతీయ 10 ప్రాంతీయ భాషల్లో చాటింగ్ సేవలను అందించింది.
ఇంతలోనే హైక్ మెసెంజర్ యాప్ సిఈవో భారతి మిట్టల్ ట్విట్టర్ లో సంచలన నిర్ణయాన్ని ప్రకటించి యూజర్లకు ఆశ్చర్యాన్ని కలిగించింది. అయితే ఈ యాప్ ను ఎందుకు క్లోజ్ చేస్తున్నారో స్పష్టత ఇవ్వలేదు. ఇంకోవైపు దీని స్థానంలో వైబ్, రష్ అనే 2 అప్లికేషన్లు అందుబాటులోకి రానున్నాయి. ఆండ్రాయిడ్, ఐఓఎస్ ప్లాట్ ఫామ్ లో వీటిని డౌన్లోడ్ చేసుకోవచ్చు.