victoria falls: సాధారణంగా మోడల్స్ అన్నాక వివిధ రకాల దుస్తులతో ఫోటోలు దిగడం సర్వసాధారణమే. కానీ కొంతమంది మాత్రం వారు అందరి దృష్టిలో పడటం కోసం కొన్ని సాహసాలు చేస్తుంటారు. ఇలాంటి కోవకు చెందినదే అమెరికాకు చెందిన ఓ మోడల్. ఈమె తాజాగా ఓ బికినీలో ఫోటో షూట్ చేయాలని భావించింది. ఈ నేపథ్యంలోనే ఈమె అత్యంత ప్రమాదకరమైన జలపాతం అంచున ఫోటోషూట్ నిర్వహించుకోవడం ప్రస్తుతం చర్చనీయాంశంగా మారింది. ఈ మోడల్ ఫోటో షూట్ కు సంబంధించిన వీడియో ప్రస్తుతం సోషల్ మీడియాలో వైరల్ గా మారింది.
పెన్సిల్వేనియాకు చెందిన 25 ఏళ్ల అమైరీస్‌ రోజ్‌ అనే మోడల్ గతేడాది డిసెంబర్‌లో హాలీడేస్‌కు జాంబియా వెళ్ళింది. అక్కడ ఈమె ప్రపంచంలోనే అత్యంత పొడవైన విక్టోరియా జలపాతాన్ని సందర్శించింది. డెవిల్ పూల్‌గా పేరుగాంచిన ఈ జలపాతాన్ని చూస్తే ఎవరికైనా వెన్నులో వణుకు పుడుతుంది. కానీ ఈమె మాత్రం ఈ జలపాతాన్ని చూసి ఎంతో ముచ్చటపడి ఆ జలపాతం అంచున ఫోటోలకు ఫోజులిచ్చింది. ఈ ఘటనకు సంబంధించిన వీడియోను సోషల్ మీడియాలో షేర్ చేస్తూ”అంచుల్లో జీవితం.. ఇక్కడ చాలా బాగుంది”అనే క్యాప్షన్ ని కూడా ఇచ్చారు.
ఈ వీడియో ప్రస్తుతం సోషల్ మీడియాలో వైరల్ గా మారింది. ఈ వీడియో చూసిన నెటిజన్లు ఆమెను డేంజరస్‌ స్టంట్‌ అని విమర్శించారు. మరి కొందరు మాత్రం ఇలాంటి ప్రమాదకరమైన సాహసాలను తగ్గించుకోవడం ఎంతో మంచిది అంటూ ఆమె పై విమర్శల వర్షం కురిపిస్తున్నారు. మరికొందరు మాత్రం ఆమెపై ప్రశంసలు కురిపిస్తున్నారు. ఇంత ఎత్తైన జలపాతం అంచుకు వెళ్లాలంటే ఎంతో ధైర్యం ఉండాలని, అంతటి ధైర్యసాహసాలు ఆమెకు ఉన్నాయంటూ మరికొందరు ఆమె చేసిన సాహసాన్ని కొనియాడారు. మరి ఇంకెందుకు ఆలస్యం ఈమె చేసిన ధైర్య సాహసానికి సంబంధించిన వీడియోను మీరు ఓ లుక్కేయండి.