Vakeel Saab : పవన్ కళ్యాణ్ హీరోగా…. త్రివిక్రమ్ దర్శకత్వంలో వస్తున్న చిత్రం ‘వకీల్ సాబ్’. వచ్చే నెల 9వ తేదీన విడుదలకు సిద్ధమైంది. పవర్స్టార్ సినిమా అయినప్పటికీ ఈ సినిమా బజ్ పై పవన్ కళ్యాణ్ అభిమానులు ప్రొడక్షన్ సంస్థ అయిన శ్రీ వెంకటేశ్వర క్రియేషన్స్ వారి పై ఇప్పటి వరకు అసంతృప్తిగా ఉన్నారు. అయితే దిల్ రాజు ఎంతో వినూత్నంగా ముందు మ్యూజికల్ ప్రమోషన్స్ చేపట్టారు.
అలాగే దర్శకుడు వేణు శ్రీరామ్, మ్యూజిక్ డైరెక్టర్ తమన్, గేయ రచయిత రామజోగయ్య శాస్త్రి ఇచ్చిన ఇంటర్వ్యూ కూడా బాగా ట్రెండ్ అవడంతో పాటు అందులో కొన్ని అంశాలు వైరల్ కూడా అయ్యాయి. పవన్ అభిమానుల సంఖ్య లెక్కకు మిక్కిలి. చిన్న అప్ డేట్ వచ్చినా… వారు భారీ స్థాయిలో ట్రెండ్ చేస్తారు. కాబట్టి ప్రీ-రిలీజ్ హైప్, బిజినెస్ గురించి ఎలాంటి బాదా పడాల్సిన అవసరం లేదు. అయితే సినిమా హిట్ అవుతుందా లేదా అనే విషయం పక్కన పెడితే మొదటి నుండి ప్రమోషన్స్ చూసి ఒక బ్యాచ్ బాగా గొడవ చేస్తున్నారు.
‘పింక్’ చిత్రంలో ‘ఉమెన్ ఎంపవర్మెంట్’ గురించి సందేశాత్మకంగా మెయిన్ పాయింట్ టచ్ అవుతుంది. అయితే ఈ చిత్రంలో పవన్ కళ్యాణ్ చేత ఫైట్స్ చేయించడం, కమర్షియల్ ఎలిమెంట్స్ జోడించడం. శృతిహాసన్ హీరోయిన్ గా ఫ్లాష్బ్యాక్ పెట్టడం వంటివి చేస్తున్నారంటూ భారీ విమర్శలు చేయడం మొదలుపెట్టారు. అయితే దర్శకుడు మాట్లాడుతూ ఈ చిత్రం ద్వారా పవన్ కళ్యాణ్ నిజ జీవితంలో ఎలా ఉంటారో అదే తెర మీద రిఫ్లెట్ అవుతుందని చెప్పారు.
పవన్ కళ్యాణ్ కూడా సినిమా మొదలు పెట్టే ముందు శ్రీరామ్ కు చిత్రాన్ని జాగ్రత్తగా తీయమని సలహా ఇచ్చారని తెలిపారు. ఎందుకంటే ఇది ఒక గొప్ప చిత్రం. జాతీయ అవార్డు కూడా సాధించింది. కాబట్టి సీనికి ఎట్టి పరిస్థితుల్లో అనవసర అంశాలను జోడించవద్దని హెచ్చరించినట్లు స్వయంగా దర్శకుడు చెప్పారు.
ఇక సినిమా మొత్తం చూసిన పవన్ కళ్యాణ్ చాలా బాగా తీశాడు అని అన్నట్లు కూడా చెప్పారు. ఈ మధ్యనే పవన్ కూడా డబ్బింగ్ పూర్తి చేశాడు. పవన్ ఈ చిత్రంలో ఫుల్ లెంత్ పాత్ర పోషిస్తున్నారు. ఈ సినిమాలో పవన్ కళ్యాణ్ లోని నటుడు… అతనిలోని స్టార్ట్ ని డామినేట్ చేస్తారు అని దర్శకుడు వేణు చెప్పడం గమనార్హం. ఇప్పుడు ఇది విన్న పవన్ కళ్యాణ్ అభిమానులు… పవర్ స్టార్ లో కొత్త కోణం చూడబోతున్నాం అని హ్యాపీగా ఫీల్ అవుతున్నారు. ఈ చిత్రంలో శృతి హాసన్ తో పాటు నివేదాథామస్, అంజలి, అనన్య నాగళ్ళ ప్రధాన పాత్రల్లో నటించారు.