Plastic bottles :వేసవి వచ్చిందంటే చాలు మనం ప్రధానంగా ఎదుర్కొనే సమస్య దాహం. లవణాలు, నీరు బయటకు వెళ్లిపోవడంతో మన శరీరానికి ఎక్కువ నీరు అవసరమవుతుంది .వేసవి అని కాదు మన శరీరానికి నీటి అవసరం ఎప్పుడూ ఉంటుంది. ఆహారం రోజులో మూడు పూటలు తీసుకుంటాం కదా కానీ నీరు మాత్రం రోజూ ఆరు పూట తాగాలి. అవసరమైతే అలారం పెట్టుకుని మరీ నీళ్లు తాగ మంటున్నారు ఆరోగ్య నిపుణులు. ఎండాకాలంలో శరీర ఉష్ణోగ్రతను నియంత్రణలో ఉండాలంటే కూడా నిర్ణీత సమయంలో మంచి నీళ్లు తాగడం ఒక్కటే మార్గం అని తెలియ చేస్తున్నారు.
మన శరీరంలో 70 శాతం నీరే ఉంటుందన్న సంగతి తెలిసిందే. జీవక్రియలను సాఫీగా సాగాలంటే ఈ నీటి శాతం తగ్గకుండా చూసుకోవాలి. ఆరోగ్యంపై జాగ్రత్త, కానీ ఇంకా ఏదైనా కానీ ఇప్పుడు ఎవరు ఎక్కడికి వెళ్లినా వెంట ఒక వాటర్ బాటిల్ వెంట తీసుకెళ్తున్నారు.అలా తీసుకువెళ్లడం మంచిదే కానీ దీన్ని ఎప్పటికప్పుడు శుభ్రం చేయకపోతే మాత్రం అనారోగ్యాలు తప్పవు.. మనకు ఇంత ఆరోగ్యాన్ని పెంచే నీటిని నిల్వ చేసుకోవడానికి ఎలాంటి లోహం తో చేసినవి వాడాలి … వాటిని ఎలా శుభ్రం చేసుకోవాలి తెలుసుకోవడం చాలా అవసరం.
నీటితో ఆరోగ్యం పెరిగితే బాటిల్ మెయింటెన్ చేయడం తెలియక పోతే కనుక ఆరోగ్యం పాడవక తప్పదు అని గుర్తు పెట్టుకోండి. అందుబాటు ధరలో వస్తున్నాయి, చూడటానికి బాగుంటాయి అనే కారణంతో చాలా మంది ప్లాస్టిక్ బాటిల్స్ వాదిస్తుంటారు . కానీ వాటిని ఆరు నెలలకు మించి వాడటం తీవ్ర అనారోగ్యానికి దారితీసే అవకాశాలు ఎక్కువగా ఉన్నాయి. ప్లాస్టిక్ సీసాల్లో వేడినీటిని ఉంచడం అసలు మంచిది కాదు.
మీకు వీలైతే గాజు, రాగి, స్టీల్‌ సీసాలను ఎంచుకోవడం మంచిది. నీటి ని ఎక్కువ రోజుల పాటు బాటిల్ లో అలాగే నిలువ ఉంచవద్దు. సీసాలు శుభ్రం చేయాలనుకున్నప్పుడు గోరువెచ్చటి నీళ్లను పోసి కాస్త లిక్విడ్‌ సోప్‌ వేసి బాగా కదిపి పక్కన ఉంచి కాసేపాగి బాటిల్స్ క్లీన్ చేసే బ్రష్‌తో శుభ్రం చేస్తే చాల శుభ్రంగా ఉంటాయి . స్టెయిన్‌లెస్‌ స్టీల్‌ బోటిల్ శుభ్రం చేయాలనుకున్నప్పుడు అందులో వేడినీళ్లు పోసి, ఉప్పు వేసి రాత్రంతా అలా వదిలేయాలి. ఇలా చేస్తే దుర్వాసన పోయి బాటిల్ శుభ్రపడుతుంది.