Women:ఈ నాటి మహిళా ఇల్లాలిగా బాధ్యతలు నిర్వహించు కుంటూనే ఉద్యోగినిగా తన బాధ్యతలను సక్రమంగా పూర్తి చేయడానికి స్త్రీలు చాలా సమస్యల్ను ఎదురుకుంటున్నారు.దీంతో కోపం, ఒత్తిడి, చిరాకు, అలసట వంటివి కలగడం కూడా జరుగుతుంది. వీటిని విజయవంతం గా జయించాలంటే ఇంటిపని, ఆఫీస్ పనికి మధ్య కచ్చితంగా స్పష్టమైన విభజన గీత ఉండితీరాలి. ఇంట్లో ఆఫీసు పనులు చేయడం , ఆఫీస్ లో ఉన్నప్పుడు ఇంటి కి సంబంధించిన పనుల గురించి ఆలోచించడం వల్ల రెండింటి లో ఒక దాని పైన కూడా సరైన దృష్టి పెట్టి పని పూర్తి చేయలేకపోతారు.
ఇలాంటి పరిస్థితి నుండి కొంత ఉపశమనం పొందేందుకు ప్రయత్నించాలి. కొంత సమయాన్ని కేటాయించుకుని ఈ రెండింటిని ఒక దారిలో పెట్టుకునే ప్రయత్నం చేయాలి. ఒక్కరోజులోనే మార్పు అనేది సాధ్యం కాకపోవచ్చు. అయినా పక్కా ప్రణాళికతో మొదలు పెడితే నెమ్మదిగా అయినా సాధ్యమవుతుంది. అలసట తగ్గుతుంది. అన్ని పనులు విరామం లేకుండా చేసేస్తుంటారు. దాంతో మనకు తెలియకుండానే ఒత్తిడికి గురవుతారు.
ఇలాంటి సమస్యను అధిగమించాలంటే అప్పుడప్పుడు ఏ పని చేయకుండా విశ్రాంతి గా ఉండేందుకు ప్రయత్నించాలి. అందువల్ల విశ్రాంతి కలుగుతుంది. ఉత్సాహంగా పనిచేసే శక్తి శరీరానికి అందుతుంది. అయితే ఇవన్నీ చేయాలంటే ముందుగా అన్ని పనులు మీరే మీదేసుకుని చేయకుండా ఇంట్లో వారందరి మధ్య సరైన పని విభజన చేయండి . ఏ వయస్సు వారికి తగ్గట్టు ఆ పనులు అప్ప చెప్పాలి.
ఏ పనైనా సరే కాదనకుండా చేయడం ఆత్మవిశ్వాసమే కావొచ్చు. కానీ కొన్నిసార్లు చేయలేని పనులు కూడా చేయాల్సి వచ్చే పరిస్థితి ఏర్పడవచ్చు. ఎదుటి వారు మీ నుండి మరిన్ని పనుల్ని ఆశించవచ్చు. అలా అన్ని పనులు మీరొక్కరే చేయడం తో వాటిని సరిగా చేయలేకపోవచ్చు. పని భారంతో ఒత్తిడికి గురయ్యే ప్రమాదం కూడా ఉంటుంది.అందుకే చేయలేని పనిని మొహమాటం లేకుండా ఒప్పుకోవద్దు. నా వల్ల కాకపోవచ్చు అని నిర్మొహమాటంగా చెప్పడం అనేది తప్పు కాదు.మీకోసం కూడా మీరు ఆలోచించండి.