Actor Vijayakanth: ప్రముఖ నటుడు, డీఎండీకే పార్టీ అధినేత విజయకాంత్ అస్వస్థతకు గురైయ్యారు. ఈ ఉదయం ఆయనకు శ్వాస తీసుకోవడంలో తీవ్ర ఇబ్బంది ఎదురైంది. దీంతో వెంటనే ఆయనను కుటుంబ సభ్యులు చెన్నైలోని ఓ ప్రైవేటు ఆసుపత్రికి తరలించారు. ప్రస్తుతం వైద్యులు ఆయనకు అత్యవసర చికిత్స అందిస్తున్నారు. ప్రస్తుతం విజయకాంత్ ఆరోగ్య పరిస్థితి ఆందోళనకరంగా ఉన్నట్లు వార్తలు వస్తున్నాయి. అయితే విజయకాంత్ ఆరోగ్యం నిలకడగా ఉందనీ అభిమానులు, పార్టీ శ్రేణులు ఆందోళన చెందవద్దంటూ డీఎండీకే ప్రకటన విడుదల చేసింది. సాధారణ వైద్య పరీక్షల నిమిత్తం ఆసుపత్రిలో చేరారనీ, ఒకటి రెండు రోజుల్లో ఆసుపత్రి నుండి డిశ్చార్జ్ అవుతారని పార్టీ తెలిపింది.
గత సంవత్సరం విజయకాంత్ కరోనా బారిన పడి కోలుకున్నారు. స్వల్ప లక్షణాలు కనిపించడంతో వెంటనే పరీక్షలు చేయించుకోగా పాజిటివ్ నిర్ధారణ అయినట్లు అప్పట్లో వార్తలు వచ్చాయి. ఆసుపత్రిలో చికిత్స అనంతరం ఆయన ఆరోగ్యం మెరుగుపడింది. ప్రస్తుతం ఆసుపత్రిలో చేరి చికిత్స పొందుతున్న విజయకాంత్ త్వరగా కోలుకోవాలంటూ ఆయన అభిమానులు భగవంతుడిని వేడుకుంటున్నారు.
Aavesham OTT: డిజిటల్ స్ట్రీమింగ్ డేట్ ను కన్ఫామ్ చేసుకున్న ఆవేశం మూవీ.. ఈ రూ. 150 కోట్ల మూవీ స్ట్రీమింగ్ ఎక్కడంటే..!