Radhika Apte: రాధికా ఆప్టే Radhika Apte ఈ పేరు వినగానే గ్లామర్ కు తక్కువ ఇంపార్టెన్స్ ఇస్తూ.. నటనా ప్రాధాన్యమున్న పాత్రల్లో నటించే సహజనటి అనిపిస్తుంది. ఆమె ఎంచుకునే పాత్రలు కూడా అలాంటివే కాబట్టి. నటనా ప్రాధాన్యం ఉన్న సినిమాలు చేయాలనుకునే తక్కువ మంది నటీమణుల్లో ఆమె ఒకరు. తమిళంలో రజినీకాంత్ తో కబాలి, తెలుగులో బాలకృష్ణతో లెజెండ్, లయన్, రామ్ గోపాల్ వర్మ రక్తచరిత్రలో నటించింది రాధికా ఆప్టే. స్టార్ స్టేటస్ ఉన్న సినిమాలే అయినా.. నటనా ప్రాధాన్యం ఉన్న సినిమాలు ఇవి. ఇలానే నటనా ప్రాధాన్యం ఉన్న సినిమానే చేసిన రాధికా ఆప్టే చిక్కుల్లో పడింది. ఓ సినిమాలో పాత్రకు తగ్గట్టుగా ఓ సన్నివేశంలో నటించడం.. సామాజిక మాధ్యమాల్లో ఆ క్లిప్పులు వైరల్ కావడంతో మనస్థాపం చెందింది. దీనిపై రాధికా ఆప్టే స్పందించింది. ‘2015లో ‘పార్చడ్’ అనే సినిమాలో నటించారు. గ్రామీణ వాతావరణం, స్త్రీ సమస్యలు, ఎదుర్కొనే సమస్యలపై ఉన్న సినిమా చేశాను. పాత్రకు తగ్గుట్టుగా కొన్ని అశ్లీల సన్నివేశాల్లో నటించాను. అయితే.. ఆ సినిమా ధియటర్లో కంటే మందుగా టొరెంటో ఫిల్మ్ ఫెస్టివల్ లో ప్రదర్శించారు. దీంతో ఆ క్లిప్స్ ఆన్ లైన్ లో లీకయ్యాయి. మా స్టాఫ్ లో డ్రైవర్, హెయిర్ స్టైలిస్ట్, మేకప్ నన్ను ఆపాత్రల్లో గుర్తు పట్టారు. దీంతో సిగ్గుతో నాలుగు రోజులు ఇంట్లోంచి బయటకు రాలేకపోయాను. తర్వాత అలాంటి సినిమాలో నటించినందుకు గర్వపడాలని అనిపించింది. కాకపోతే.. నాపై వచ్చిన చెడ్డ పేరు కంటే సినిమాకు మంచి పేరొచ్చుంటే బాగుండేదనిపించింది’ అన్నారు.
అయితే.. తెలుగులో చేసిన రక్తచరిత్ర సినిమాలో నటించినందుకు బాధ పడుతున్నట్టు చెప్పొకొచ్చింది రాధికా ఆప్టే. ‘మొదట ఆ సినిమా తెలుగులో మాత్రమే తీస్తున్నట్టు రామ్ గోపాల్ వర్మ చెప్పారు. తీరా షూటింగ్ ప్రారంభమయ్యాక తమిళ్ లో కూడా తీశారు. దీంతో సినిమాకు చాలా డేట్స్ కేటాయించాల్సి వచ్చింది. కానీ.. నాకు ఒక సినిమాకు ఇచ్చిన రెమ్యునరేషన్ మాత్రమే ఇచ్చారు. ఆర్జీవీ చేసిన పనికి బాధపడ్డాను. అనవసరంగా సినిమా చేశాననిపించింది’ అని తన మనసులోని భావాలను చెప్పుకొచ్చింది రాధికా ఆప్టే.
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!