Pawan Kalyan: టాలీవుడ్ యంగ్ డైరెక్టర్ హరీష్ శంకర్ పవన్ కళ్యాణ్ తో సినిమా షురూ చేసిన సంగతి తెలిసిందే. గత ఏడాది పవన్ కళ్యాణ్ పుట్టిన రోజు నాడు సినిమాకి సంబంధించి కాన్సెప్ట్ తరహాలో పోస్టర్ రిలీజ్ చేయడం జరిగింది. గతంలో వీరిద్దరి కాంబినేషన్ లో “గబ్బర్ సింగ్” సినిమా రావడంతో పాటు అది పవన్ కళ్యాణ్ కెరియర్ లోనే వన్ ఆఫ్ ద బ్లాక్ బస్టర్ విజయం కావడంతో ప్రస్తుతం హరీష్ శంకర్ సినిమా ఏ తరహాలో ఉంటుందో అని అభిమానులు భారీ ఎక్స్పెక్టేషన్స్ పెట్టుకుంటున్నారు.
పైగా హరీష్ పవన్ కళ్యాణ్ అభిమాని కావటంతో ఈసారి ఏ రేంజ్ లో హిట్ ఇస్తాడో అని డిస్కషన్లు చేసుకుంటున్నారు. ఇటీవలే పవన్ కళ్యాణ్ సినిమాలో డబల్ క్యారెక్టర్ చేస్తున్నట్లు ఒకటి కాలేజీ లెక్చరర్ పాత్ర తో పాటు మరో డిఫరెంట్ క్యారెక్టర్ లో పవన్ కనిపించనున్నట్లు వార్తలు వచ్చాయి. అదంతా పక్కనపెడితే తాజాగా ఈ సినిమాలో హీరోయిన్ గా పూజా హెగ్డే ని తీసుకోనే ఆలోచనలో హరీష్ ఉన్నట్లు ఫిలిం వర్గాలలో లేటెస్ట్ టాక్.
గతంలో “గద్దలకొండ గణేష్” మరి కొన్ని సినిమాలలో పూజ హెగ్డే ని హీరోయిన్ గా పెట్టి హరీష్ శంకర్ అనేక విజయాలు సాధించడం జరిగింది. ఇదే తరుణంలో ఇప్పుడు మరోసారి పూజా హెగ్డే ని సెంటిమెంట్ గా హరీష్ శంకర్ పవన్ సినిమాలో పెట్టి బ్లాక్ బస్టర్ కొట్టే ఆలోచనలో ఉన్నట్లు ఫిలిం వర్గాలలో వార్తలు వస్తున్నాయి. ప్రత్యేకంగా ఈ సినిమాలో స్పెషల్ క్యారెక్టర్ కోసం పవన్ కళ్యాణ్ తన హెయిర్ స్టైల్ విషయంలో చాలా శ్రద్ధ తీసుకుంటూ ఉన్నట్లు టాక్.