Insomnia: త్వరగా నిద్ర పడితే వారిని అదృష్టవంతులు అనేవారు మన పెద్దవాళ్ళు.. మనం నిద్రకు ఉపక్రమించిన త్వరగా నిద్ర పడితే వారు ఆరోగ్యంగా ఉన్నారని, ఎటువంటి ఆలోచనలు మానసిక ఒత్తిడి లేదని అర్థం.. అదే త్వరగా నిద్ర పట్టకపోతే వారు ఒత్తిడి, డిప్రెషన్ తో బాధపడుతున్నట్టు.. అయితే కొన్ని రకాల విటమిన్లు లోపం వలన కూడా నిద్రలేమి సమస్య వస్తుంది.. నిద్ర సరిగ్గా పట్టకపోవడానికి ఈ విటమిన్ లోపం కావచ్చని ఆరోగ్య నిపుణులు చెబుతున్నారు.. అదేంటో ఇప్పుడు చూద్దాం..!!
మనం తీసుకునే ఆహారం కూడా నిద్రలేమికి ఒక కారణం. మంచి పోషక విలువలున్న ఆహారం తీసుకుంటే చక్కటి నిద్ర పడుతుంది. మన ఆహారంలో అన్ని రకాల విటమిన్లు, ఖనిజాలు, మినరల్స్ కూడిన ఆహారం తీసుకోవాలి. విటమిన్ బి12 లోపం వలన నిద్రలేమి సమస్య వస్తుంది . దీనితో పాటు నిరాశ, డిప్రెషన్ వంటివి తోడవుతాయి. దేహంలో మెలటోనిన్ స్థాయిలను నియంత్రించే పనిచేసేది విటమిన్ బి12. అందువలన ఈ విటమిన్ లోపిస్తే నిద్ర అవస్థ తప్పదు. సరిగ్గా నిద్ర పట్టదు.
విటమిన్ బి12 మన శరీరం లో ఎర్ర రక్తకణాలు, డీఎన్ఏ ల అభివృద్ధికి ఈ విటమిన్ ఎంతో అవసరం. విటమిన్ బి12 లోపం రాకుండా ఉండాలంటే మన డైట్ లో వీటిని భాగం చేసుకోవాలి. పాలు, పెరుగు, చిజ్, గుడ్లు చేర్చుకోవాలి. అలాగే గుడ్లు, చేపలు, సల్మాన్ ఫిష్, చికెన్, లివర్ ను తినాలి. పండ్లను కూడా ఎక్కువగా తినడం వలన ఈ విటమిన్ లోపం రాకుండా చేస్తుంది. అలాగే ఒత్తిడి, డిప్రెషన్ కు సంబంధించిన విషయాలకు దూరంగా ఉండాలి. మానసిక ప్రశాంతత ఉండేలా చూసుకోవాలి.