Fatigue: శరీర విశ్రాంతి లేకుండా పని చేసినప్పుడు.. మానసిక శ్రమ ఎక్కువ అయినప్పుడు అలసట అనే భావన కలుగుతుంది.. రోగ నిరోధక శక్తి తగ్గడం, ఏకాగ్రత లోపించడం, వికారం, తలనొప్పి, కండరాల నొప్పులు, మానసిక ఒత్తిడి, ఆకలి లేకపోవడం అనేవి అలసటకు గురవుతున్నట్లు..!! ఈ సమస్యను అధిగమించాలంటే జీవనశైలిలో చిన్న చిన్న మార్పులు చేసుకోవాలి..!! అవేంటో ఇప్పుడు చూద్దాం..!!
Fatigue: అలసటను తగ్గించుకోండిలా..!!
శరీరానికి సరైన ఆహార ఆరం మనస్సుకు తగినంత ప్రశాంతత ఉంటే నీరసం నిస్సత్తువ మీ దరికి చేరవు అంటున్నారు ఆరోగ్య నిపుణులు జీవితం హాయిగా ఉల్లాసంగా గడపడానికి ప్రయత్నించండి ప్రతిరోజు కనీసం పది నిమిషాలు నడవాలి. అలసట భావన ఉన్నవారు మీకు కుదిరినప్పుడులా ప్రకృతిలో కాలం గడపండి. ఆ పచ్చటి వాతావరణం మీ మనసుకు మానసిక ప్రశాంతతను కలిగిస్తుంది. మానసిక ఒత్తిడిని తగ్గించి మనసు ఉత్తేజంగా ఉండేలా చేస్తుంది. యోగ, మెడిటేషన్, ధ్యానం వంటి వాటిలో మీకు నచ్చిన పద్ధతిని ఎంచుకుని ప్రతిరోజు కాసేపు చేయండి.
ఈ రోజుల్లో డెస్క్ జాబులు ఎక్కువగా ఉన్నాయి ముఖ్యంగా కంప్యూటర్, టీవీ, ఫోన్ వాడకం ఎక్కువగా ఉంది. ఈ స్క్రీన్స్ నుండి వెలువడి నీలి రంగు కాంతి అలసటకు గురిచేస్తుంది. సాధ్యమైనంత వరకు వీటిని ఉపయోగించడం తగ్గించండి. శరీరం డీహైడ్రేషన్ కు గురైన కూడా నిస్సత్తువ ఆవహిస్తుంది. ప్రతి రోజు ఎనిమిది గ్లాసుల నీటిని తాగండి. శరీరానికి కావలసిన నీటిని ఖచ్చితంగా అందించాలి. మనం తీసుకునే ఆహారం మీద కూడా ఈ సమస్య ఆధారపడి ఉంటుంది. కార్బోహైడ్రేట్లు, ప్రోటీన్, తృణధాన్యాలు ఎక్కువగా ఉన్న ఆహారం మీ డైట్ లో భాగంగా చేసుకోవాలి. చాలా మంది ఉదయం పూట టిఫిన్ తినడం మానేస్తున్నారు. దీని వలన కూడా నీరసం, నిస్సత్తువ ఏర్పడతాయి.
మన ఉపయోగించే మందుల వలన కూడా ఈ సమస్య ఉత్పన్నమవుతుంది. మద్యపానం, ధూమపానం అలవాటు ఉంటే మానుకోవాలి. ప్రతిరోజు ఊ ఖచ్చితంగా 6 నుంచి 8 గంటలపాటు నిద్ర పోవాలి. నిద్రలేమి సమస్య కారణంగా కూడా అలసట వస్తుంది. చాలా మంది నిద్ర పట్టడం కోసం నిద్ర మాత్రలు ఉపయోగిస్తూ ఉంటారు. దానికి బదులు ప్రత్యామ్నాయ గురించి ఆలోచించాలి. ఓకేసారి ఎక్కువగా ఆహారం తినకూడదు. చిన్న చిన్న మోతాదులో ఎక్కువ సార్లు తినాలి.