Hair Care: నల్లని ఒత్తైన కురులు కావాలని ప్రతి ఒక్కరికి ఉంటుంది.. ఇందుకోసం వివిధ ప్రయత్నాలు చేస్తూ ఉంటారు.. మార్కెట్లో లభించే అనేక రకాల నూనెలు, హెయిర్ ప్యాక్స్ ను ట్రై చేస్తూ ఉంటారు.. మనకు తెలియకుండానే మన జుట్టు పై కొన్ని చిన్న చిన్న తప్పులు చేస్తూ ఉంటాము.. వాటి వలన జుట్టు ఊడిపోతుంది.. ఈ తప్పులను సరి చేసుకుంటే ఒత్తైన జుట్టు మీ సొంతం.. ఆ పొరపాట్లు ఏమిటో ఇప్పుడు తెలుసుకుని సరిచేసుకుందాం..!!
Hair Care: తలస్నానం చేసిన తర్వాత ఈ తప్పులు చేయకండి..!!
తల స్నానం చేసిన వెంటనే తలకి ముందుగా కాటన్ టవల్ చుట్టుకోవాలి ఇదైతే జుట్టు లో ఉన్న తేమ ని గ్రహించి తొందరగా అరిపోయెలా చేస్తుంది. జుట్టుకు ఎక్కువసేపు టవల్ చుట్టి ఉంచకూడదు. కురులను వదిలేస్తే త్వరగా అరిపోతాయి. హెయిర్ డ్రై ను ఉపయోగించకూడదు. అందరూ ముఖ్యంగా చేసే తప్పు ఏమిటంటే తలస్నానం చేసిన వెంటనే తడి జుట్టును చిక్కు తియ్యడానికి ప్రయత్నిస్తుంటారు. దీని వలన జుట్టు ఎక్కువగా ఊడిపోతుందని గమనించాలి. తలస్నానానికి ముందు జుట్టు చిక్కు తీసుకుని ఆ తరువాత షాంపూ చేయడం మంచిది. తడి తల మీద దువ్వటం వలన జుట్టు కుదుళ్ళు బలహీనంగా ఉండి త్వరగా రాలిపోతాయి.
హెడ్ బాత్ చేసిన తరువాత వెంటనే ఖచ్చితంగా ఏదైనా సిరం రాసుకోవాలి. లేదంటే ఒక స్పూన్ కలబంద గుజ్జు, కొబ్బరి నూనె, ఆలివ్ ఆయిల్ విటమిన్ ఇ క్యాప్సుల్ కలిపి జుట్టుకు అప్లై చేయాలి. ఇది రాసుకోవడం వలన జుట్టు కుదుళ్లకు తేమను అందిస్తుంది. కేశాలు నిర్జీవంగా మారిపోకుండా, చిట్లిపోకుండా చేస్తుంది. వారంలో రెండు రోజులు మాత్రమే తల స్నానం చేయాలి అంతకుమించి ఎక్కువ రోజులు చేస్తే జుట్టు డ్రై అవుతుంది. జుట్టును చిక్కు తీసుకునేటప్పుడు కింద నుంచి చిక్కులు తీసుకుంటూ రావాలి. పై నుంచి తీస్తే జుట్టు మీద ఒత్తిడి పడి ఊడిపోతుంది. తలస్నానం చేసే ముందు జుట్టుకు కొబ్బరి నూనె రాసుకోవాలి.
వారానికి ఒకసారి హెయిర్ మాస్క్ ను పెట్టుకోండి. ఇది జుట్టు పొడిబారకుండా తేమగా ఉంచుతుంది జుట్టు పెరగడానికి కూడా సహాయపడుతుంది బయటకు వెళ్ళేటప్పుడు ఖచ్చితంగా పాస్ ను ధరించండి. మీరు ప్రతి రోజు ఆఫీస్ కి వెళ్తుంటే దుమ్ము, ధూళి, కాలుష్యం బారిన పడకుండా మీ జుట్టును సంరక్షించుకోండి. వారంలో రెండు రోజులు మీకు నచ్చిన నూనె రాసుకుని మర్దనా చేసుకోండి. ఇది రక్తప్రసరణను పెంచి జుట్టు ఊడకుండా ఉండేందుకు సహాయపడుతుంది. ఒకసారి తలస్నానం చేసిన తర్వాత నూనె రాసుకోకుండా మరలా షాంపూను ఉపయోగించండి. షాంపూ గాఢత వలన కూడా జుట్టు రాలిపోయే అవకాశం ఎక్కువ. ఈ చిన్న చిన్న జాగ్రత్తలు పాటిస్తే చాలు ఒత్తయిన కురులు మీ సొంతం.