Weight Loss: ఆరోగ్యంగా ఉండాలని ప్రతి ఒక్కరూ కోరుకుంటారు.. మన జీవన శైలి, ఆహారపు అలవాట్లు కారణంగా మన ఆరోగ్యం దెబ్బతింటుంది.. ఈ రోజుల్లో ఎక్కువ మందిని వేదిస్తున్న సమస్యల్లో అధిక బరువు ఒకటి.. కొన్ని రకాల పండ్లు తింటే ఊబకాయం నుంచి బయటపడవచ్చు..!! అటువంటి వాటిలో బ్లూ బెర్రీస్ ఒకటి..!! బ్లూ బెర్రీస్ ను ఏ విధంగా తీసుకుంటే బరువు తగ్గవచ్చో తెలుసుకుని పాటిద్దాం..!!
ఆరోగ్యకరమైన పండ్లలో బ్లూ బెర్రీస్ ను సూపర్ ఫ్రూట్ గా అభివర్ణిస్తారు. ఇది తినడానికి తియ్యగా ఉంటుంది. దీనిలో పోషకాలు మెండుగా ఉంటాయి. దీనిలో ఉండే యాంటీ ఆక్సిడెంట్స్ రోగ నిరోధక శక్తిని పెంపొందిస్తాయి. బ్లూ బెర్రీస్ ను నేరుగా తినవచ్చు. ఎండబెట్టి పొడిగా చేసుకుని తినవచ్చు. లేదంటే జ్యూస్ గా తాగవచ్చు. ఇంకా మీకు నచ్చిన సలాడ్ లో బ్లూ బెర్రీస్ ను యాడ్ చేసుకుంటే రుచితో పాటు ఆరోగ్యం కూడా.
బ్లూ బెర్రీస్ ల లోనే పోషకాలు బరువు తగ్గడానికి సహాయపడుతాయి. ఇందులో డైటరి ఫైబర్ అధికంగా ఉంటుంది. ఇది బరువు తగ్గేందుకు దోహదపడుతుంది. అంతేకాకుండా ఇది జీర్ణ వ్యవస్థ ను క్రమబద్ధీకరిస్తుంది. ఇందులో ఉండే యాంటీ ఆక్సిడెంట్లు చెడు కొలెస్ట్రాల్ తగ్గిస్తాయి. ఫలితంగా బరువు తగ్గుతారని పలు అధ్యయనాల లో పేర్కొన్నారు. ఇది బెల్లీ ఫ్యాట్ ను తగ్గిస్తాయి. అధిక బరువు, స్థూలకాయం తో బాధపడుతున్న వారు ఈ పండును తింటే మెరుగైన ఫలితాలు కనిపిస్తాయి.