Sugar: తీపి పదార్థాలు తినడానికి రుచిగా ఉన్నప్పటికీ ఆరోగ్యానికి హాని చేస్తాయి.. ముఖ్యంగా పంచదారతో తయారు చేసిన పదార్థాలు.. అలాని స్వీట్స్ తినకుండా ఉండలేము.. టీ, కాఫీ, కుకీస్, సలాడ్స్, స్మూతీస్ ఏదైనా సరే పంచదారని వినియోగిస్తున్నారా..!? ఈసారి చక్కెరకు బదులు వీటిని ట్రై చేయండి..!! చక్కటి రుచితో పాటు ఆరోగ్యాన్ని కూడా అందిస్తాయి..!! అవేంటంటే..!?
సాధారణంగా చక్కెరకు బదులు బెల్లం లేదా పటిక బెల్లం ఉపయోగించమని అందరూ చెబుతూనే ఉంటారు.. ప్రతిసారి వీటిని ట్రై చేసి బోర్ కొడుతుందా.. వీటి రుచి కూడా అలవాటైపోయిందా.. కొత్తగా.. తీయ్యాగా.. ఆరోగ్యానికి హాని చేయకుండా చక్కెరకు బదులు ఉపయోగించేవి మరికొన్ని ఉన్నాయి.. అందులో తేనె ఒకటి. ఇది సహజసిద్ధమైన తియ్యదనం ని అందిస్తుంది చక్కెరకు ప్రత్యామ్నాయంగా దీనిని ఉపయోగిస్తే గుండెను ఆరోగ్యంగా ఉంచుతుంది బ్రెయిన్ షార్ప్ గా చేస్తుంది బాడీని ఫిట్ గా ఉంచుతుంది. ఇక రెండవది స్టీవియా ఆకులు. దీనిలో గ్లైసిమిక్ ఇండెక్స్ ఉండదు. మధుమేహులకు ఇది చక్కటి ఎంపిక. ఈ ఆకుల పొడిని టీ, కాఫీ, కుకీస్, పిండి వంటలు, తీపి పదార్థాలు తయారు చేసుకొని తినవచ్చు.
కోకోనట్ షుగర్ కూడా ఒకటి. ఇది కొబ్బరికాయలు నుండి తయారు చేస్తారు. ఇందులో గ్లైస్మిక్ ఇండెక్స్ చాలా తక్కువగా ఉంటుంది. పైగా ఐరన్ , పొటాషియం, కాల్షియం, జింక్ సమృద్ధిగా లభిస్తాయి. ఈ సారి కోకోనట్ షుగర్ ట్రై చేసి చూడండి. ఇక ఆఖరిది డేట్స్ షుగర్.. దీనిని ఖర్జూరాల నుండి తయారు చేస్తారు. మార్కెట్లో లభించేది వద్దు అనుకుంటే.. ఇంట్లోనే ఖర్జూరాలను ఎండబెట్టి దంచి పొడి చేసుకుని కూడా ఉపయోగించవచ్చు. ఇది కొలెస్ట్రాల్ ను కరిగిస్తుంది. బోన్స్ డెన్సిటీ ని పెంచుతుంది. తెలుసుకున్నారు కదా.. ఇక నుంచి చక్కెరకు బదులు ప్రత్యామ్నాయంగా వీటిని వాడి చూడండి. చక్కటి రుచితో పాటు ఆరోగ్యాన్ని కూడా అందిస్తాయి.