Second Heart: మనిషి శరీరంలో ఒక గుండె ఉంటుందని అందరికీ తెలిసిన విషయమే.. అయితే అయితే మన శరీరంలో మరో రెండు గుండెలు ఉంటాయి.. అవి ఎక్కడ ఉంటాయి.. వాటి విధులు ఏమిటో.. వాటికి గుండెకు సంబంధం ఏంటో ఇప్పుడు వివరంగా తెలుసుకుందాం..!!
మన కాళ్లలో రెండు గుండెలు ఉంటాయి.. అవే మన పిక్కలు.. గుండె ఎలాగైతే రక్తాన్ని అవయవాలకు సరఫరా చేస్తుందో.. పిక్క కూడా అదే రక్తాన్ని పైకి పంప్ చేస్తుంది.. పైగా గుండె నుంచి పంప్ చేసే బ్లడ్ భూమ్యాకర్షణ శక్తి వల్ల మన కాళ్లకు చేరడం సులువైన పనే.. అదే కాళ్ళ నుంచి గుండెకు రక్తం ప్రవహించాలంటే ఆ రక్తం వ్యతిరేక దిశలో వెళ్లాల్సి ఉంటుంది.. దీనికి అదనపు శక్తి కావాలి. ఆ శక్తిని సమకూర్చేదే పిక్క. అందువలన మన పిక్కను శరీరపు రెండో గుండెకాయగా అభివర్ణిస్తారు.
మన పిక్కలను దీర్ఘంగా పరిశీలిస్తే అవి కూడా గుండె ఆకారంలో కనిపిస్తాయి. గుండె నిర్వహించే విధులు ఇవి కూడా నిర్వర్తిస్తాయి. మన కండరాలలో గ్యాస్ట్రోనేమియస్, సోలేయస్ కండరాలు ఈ విధిని నిర్వర్తించడం లో కీలక పాత్ర పోషిస్తాయి. ఈ కండరాలు తెరుచుకోవడం, తుడుచుకోవడం అనే పనిని క్రమబద్ధంగా చేస్తూ రక్తనాళాల్లోని రక్తం పైకి వెళ్లేలా చేస్తూ ఉంటాయి. మన పిక్కలు సరిగా పని చేయకపోతే రక్తం కాళ్లల్లో ఉండిపోతుంది. దీంతో కండరాలు తీవ్రమైన అలసటకు గురి అవుతాయి. సిరల్లో రక్తం గడ్డకట్టడము, రక్తనాళాలు ఉబ్బడం, కాలిపై ఏర్పడిన పుండ్లు త్వరగా మానకపోవడం వంటి సమస్యలు తలెత్తుతాయి.