Sim Card : మనం ప్రతిరోజూ చూస్తూ ఉంటాం.. ఒకరు సిమ్ కార్డు సడెన్ గా ఆగిపోయిందని మొరపెట్టుకుంటూ వుంటారు. మరొకరు తన సిమ్ కార్డు బ్లాక్ అయిపోయిందని బాధపడుతూ వుంటారు. అయితే వీటికి గల కారణాలు ఏమిటి? నేడు ప్రతి ఒక్కరి చేతుల్లోనూ స్మార్ట్ ఫోన్లు తప్పని సరి అయిపోయాయి. ఈ క్రమంలో చాలా మంది ఒకటి కన్నా ఎక్కువ సిమ్ కార్డులు వాడుతున్నారు. అయితే ఎక్కువ సిమ్ కార్డులు కలిగిన వారు అంటే మరీ ముఖ్యంగా 9 కన్నా ఎక్కువ సిమ్ కార్డులు కలిగిన వారి గురించే ఈ ఆర్టికల్.
Sim Card : మల్టీ సిమ్ కార్డ్స్ వాడుతున్నవారు ఈ విషయాలను గ్రహించాలి!
తాజాగా మన భారత ప్రభుత్వం ఓ కొత్త రూల్ తీసుకువచ్చింది. 9కి మించి ఎక్కువగా ఉన్న సిమ్ కార్డులు ఉన్న వారు రీవెరిఫికేషన్ చేసుకోవాల్సిందిగా ఆదేశించింది. లేని యెడల వెరిఫై కానీ సిమ్ కార్డులను బ్లాక్ చేసే చర్యలు చేపట్టనుంది. ఈమేరకు DOT (డిపార్ట్మెంట్ ఆఫ్ టెలీకమ్యూనికేషన్స్) డిసెంబర్ 7న ఒక నోటిఫికేషన్ విడుదల చేసింది. ఎక్కువ సిమ్ కార్డ్స్ కలిగినవారు ఖచ్చితంగా రీవెరిఫికేషన్ చేసుకోవాలి. లేదంటే నెల రోజుల్లో సిమ్ కార్డుపై ఔట్ గోయింగ్, డేటా సేవలు, 45 రోజులలోగా ఇన్కమింగ్ సేవలు నిలిపివేయబడతాయి.
తెలుసుకోవలసిన నియమనిబంధనలు ఇవే..
ఆర్థిక నేరాలు, అసాంఘిక కార్యకలాపాలు, అభ్యంతరకరమైన కాల్స్, మోసపూరిత కార్యకలాపాలను నియంత్రించాలనే లక్ష్యంతో DOT ఈ ఆదేశాలు జారీ చేసింది. యూజర్స్ ఈ కొత్త రూల్స్ ని తప్పనిసరిగా తెలుసుకోవాలి. ఒక వ్యక్తి పేరుపై 9కి మించి ఎక్కువ సిమ్ కార్డులు ఉండకూడదు. ముఖ్యంగా జమ్మూ కశ్మీర్, అస్సాం, నార్త్ ఈస్ట్ ప్రాంతంలో 6 సిమ్ కార్డుల వరకే పరిమితి వుంది. మిగిలిన ప్రాంతాలవారికి కూడా ఇవే నియమనిబంధనలు వర్తిస్తాయి.