Hero Movie: సూపర్ స్టార్ కృష్ణ మనవడు, మ‌హేష్ బాబు మేన‌ల్లుడు, ఎంపీ గల్లా జ‌య‌దేవ్ త‌న‌యుడు అశోక్ గల్లా డ‌బ్యూ చిత్రం `హీరో`. శ్రీరామ్‌ ఆదిత్య ద‌ర్శ‌క‌త్వం వ‌హిస్తున్న ఈ చిత్రంలో నిధి అగ‌ర్వాల్ హీరోయిన్‌గా న‌టించింది. అమర్ రాజా మీడియా అండ్ ఎంటర్టైన్మెంట్స్ ప‌తాకంపై శ్రీ‌మ‌తి గల్లా పద్మావతి ఈ చిత్రాన్ని నిర్మించారు.
జగపతి బాబు, నరేష్‌, వెన్నెల కిశోర్‌, బ్రహ్మాజీ, సత్య తదితరులు ఈ సినిమాలో కీలక పాత్ర‌ల‌ను పోషించారు. ప్రేమ, మాఫియా నేప‌థ్యంలో సాగే సినిమా ఇది. సంక్రాంతి కానుకగా జనవరి 15న విడుదలైన ఈ చిత్రం ప్రేక్ష‌కుల‌ను ఆక‌ట్టుకోవ‌డంలో విఫ‌లం అయింది. దాదాపు 20 కోట్ల బ‌డ్జెట్‌తో తెర‌కెక్కిన ఈ చిత్రం బాక్సాఫీస్ వ‌ద్ద రూ. 3 కోట్ల కంటే త‌క్కువ షేర్‌నే వ‌సూల్ చేసింది. ఇక‌పోతే తాజాగా ఈ చిత్రాన్ని ఓటీటీలో విడుదల చేసేందుకు మేక‌ర్స్ సిద్దమయ్యారు.
`హీరో` డిజిటల్ రైట్స్‌ను సొంతం చేసుకున్న ప్రముఖ ఓటీటీ సంస్థ డిస్నీ ప్ల‌స్‌ హాట్‌స్టార్‌.. ఈనెల 11న ఈ సినిమాను స్ట్రీమింగ్ చేయ‌బోతున్న‌ట్లు అధికారికంగా ప్ర‌క‌టించేసింది. అయితే కొన్ని సినిమాలు థియేట‌ర్స్‌లో ఫ్లాప్ అవుతున్నా.. ఓటీటీ వేదిక‌గా హిట్ అవుతున్నాయి. ఈ నేప‌థ్యంలోనే హీరో సినిమా ఓటీటీలో అయినా మంచి విజ‌యం సాధిస్తుందేమో చూడాలి.
Heeramandi: హిరామండి సిరీస్ లో గోల్డ్ సీన్స్ చేయడానికి కారణం ఇదే.. అసలు నిజాలను బయటపెట్టిన సోనాక్షి సిన్హా..!