Alia Bhatt: బాలీవుడ్ స్టార్ హీరోయిన్ అలియా భట్ గురించి ప‌రిచ‌యాలు అవ‌స‌రం లేదు. త్వ‌ర‌లోనే ఈ బ్యూటీ `ఆర్ఆర్ఆర్` సినిమాలో తెలుగు ప్రేక్ష‌కుల‌ను ప‌ల‌క‌రించబోతోంది. ఎన్టీఆర్, రామ్ చ‌ర‌ణ్ హీరోలుగా ద‌ర్శ‌క‌ధీరుడు రాజ‌మౌళి తెర‌కెక్కిన ఈ చిత్రాన్ని డివివి ఎంటర్టైన్మెంట్స్ బ్యాన‌ర్‌పై డివివి దాన‌య్య భారీ బ‌డ్జెట్‌తో నిర్మించారు.
ఈ మూవీలో చ‌ర‌ణ్‌కు జోడీగా సీత పాత్ర‌లో అలియా క‌నిపించ‌బోతోంది. మ‌రోవైపు ఈమె న‌టించిన `గంగూబాయ్‌ కతియావాడి` సినిమా ఫిబ్ర‌వ‌రి 25న పాన్ ఇండియా లెవ‌ల్‌లో విడుదల కానుంది. ఇక‌పోతే అలియా భట్ బాలీవుడ్ స్టార్ హీరో రణబీర్ కపూర్‌తో గ‌త కొన్నేళ్ల నుంచీ ప్రేమాయ‌ణం న‌డిపిస్తున్న సంగ‌తి తెలిసిందే.
బాలీవుడ్‌లో మోస్ట్ డిజైరబుల్‌ లవ్ బర్డ్స్‌గా గుర్తింపు పొందిన ఈ జంట పెళ్లి పీటలు కూడా ఎక్క‌నున్నారు. కానీ, క‌రోనా కార‌ణంగా వీరి వివాహం వాయిదా ప‌డుతూనే వ‌స్తోంది. అయితే తాజాగా అలియా భట్ తన పెళ్లి ర‌ణ‌బీర్‌తో ఎప్పుడో అయిపోయిందంటూ బిగ్ బాంబ్ పెల్చింది.
గంగూబాయ్‌ కతియావాడి ప్రమోషన్స్‌లో భాగంగా ఓ ఇంట‌ర్వ్యూలో పాల్గొన్న అలియా.. పెళ్లి గురించి మాట్లాడుతూ `రణ్‌బీర్‌తో నా పెళ్లి ఎప్పుడో జరిగిపోయింది. నా ప్రేమను అంగీకరించినప్పుడే అతనితో నా మనసులోనే వివాహం చేసుకున్నాను. మా పెళ్లి కొన్ని కారణాల వలన వాయిదా పడింది. కానీ, ఎప్పుడు జరిగినా అది చాలా అద్భుతంగా జరుగుతుంది.` అంటూ చెప్పుకొచ్చింది. దీంతో ఆమె కామెంట్స్ కాస్త వైర‌ల్‌గా మారాయి.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!