Prabhas: నేష‌న‌ల్ స్టార్ ప్ర‌భాస్‌కు సర్జరీ జ‌రిగింద‌ని తాజాగా ఓ ఇంట్ర‌స్టింగ్ వార్త బ‌య‌ట‌కు వ‌చ్చింది. ఇటీవ‌లె స్పెయిన్‌కు వెళ్లిన ఆయ‌న.. అక్క‌డ ఓ ప్ర‌ముఖ హాస్ప‌ట‌ల్‌లో శస్త్రచికిత్స చేయించుకున్నార‌ట. అస‌లు ఇంత స‌డెన్‌గా ప్ర‌భాస్‌కు సర్జరీ ఏంటీ అన్న సందేహాలు రాక‌పోవు. ప్ర‌స్తుతం ఈయ‌న చేస్తున్న చిత్రాల్లో `స‌లార్‌` ఒక‌టి.
ప్రశాంత్ నీల్ ద‌ర్శ‌క‌త్వం వ‌హిస్తున్న ఈ సినిమాను హోంబలే సంస్థ భారీ బ‌డ్జెట్‌తో నిర్మిస్తోంది. పూర్తి స్థాయి యాక్షన్ డ్రామాగా తెరకెక్కుతున్న ఈ సినిమాలో శ్రుతి హాస‌న్ హీరోయిన్‌గా క‌నిపిస్తోంది. అయితే ఇటీవల జ‌రిగిన ఈ మూవీ షెడ్యూల్‌లో ఆ యాక్షన్ స‌న్నివేశం చేస్తుండ‌గా.. కాలికి గాయమైంది.
సర్జరీ కూడా చేయాల‌ని వైద్యులు చెప్పార‌ట. కానీ, ఆ గాయం ఇబ్బంది పెద్ద‌గా లేక‌పోవ‌డం వ‌ల్ల ఇత‌ర ప్రాజెక్ట్స్ కోసం స‌ర్జ‌రీని పోస్ట్ పోన్ చేసుకున్నారు. ఇక ఇప్పుడు కాస్త ఎక్కువ గ్యాప్ రావ‌డంతో.. స్పెయిన్‌ బార్సిలోనా లోని మల్టీ స్పెషాలిటీ హాస్పిటల్‌లో ప్రభాస్ శస్త్ర చికిత్స చేయించుకున్నార‌ట. చిన్నపాటి సర్జరీ అయినప్పుటికీ వైద్యులు ప్రభాస్ను పూర్తిగా రెస్ట్ తీసుకోమని చెప్పినట్లు సమాచారం.
ఇక ఈ విష‌యం బ‌య‌ట‌కు రావ‌డంతో ఆయ‌న ఫ్యాన్స్ కాస్త ఆందోళ‌న చెందుతున్నారు. అలాగే ప్రభాస్ త్వ‌ర‌గా కోలుకుని రావాల‌ని ఆకాక్షిస్తున్నారు. కాగా, ఇటీవ‌లె ప్రభాస్ `రాధేశ్యామ్‌` సినిమాతో ప్రేక్షకుల ముందుకు వ‌చ్చాడు. పూజా హెగ్డే హీరోయిన్‌గా రాధాకృష్ణ కుమార్ ద‌ర్శ‌క‌త్వంలో రూపుదిద్దుకున్న ఈ వెంటేస్ ప్రేమ క‌థా చిత్రం మార్చి 11న విడుద‌లై యావ‌రేజ్ టాక్ సొంతం చేసుకుంది. అయిన‌ప్ప‌టికీ ఈ చిత్రం మంచి క‌లెక్ష‌న్ల‌ను రాబోతోంది.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!