విమాన ప్రయాణాలు అంటే ఎన్ని నియమ నిబంధనలుతో కూడుకున్నదో అందరికీ తెలిసినదే. అయినా ఎక్కడో ఒకచోట కొన్ని రకాల అవాంఛనీయ సంఘటనలు చోటు చేసుకుంటాయి. అందువలన తోటి ప్రయాణికులకు ఇబ్బంది కలగడమే కాకుండా విమాన సిబ్బంది సైతం పలు ఇబ్బందులకు గురయ్యే సంఘటనలు మనం చూస్తూ ఉంటాం. తాజాగా నిబంధనలు అతిక్రమిస్తూ ఓ ప్రయాణికుడి అనుచిత ప్రవర్తన విమాన ప్రయాణికులను విస్మయానికి గురి చేసింది. SpiceJet విమానంలో సీట్లలో పడుకొని దర్జాగా సిగరెట్‌ కాల్చిన ఘటన ఆలస్యంగా వెలుగు చూసింది.
అభిమానులకోసమే కాల్చాడట?
<blockquote class=”twitter-tweet”><p lang=”en” dir=”ltr”>New rule for Bobby kataria ? <a href=”https://twitter.com/JM_Scindia?ref_src=twsrc%5Etfw”>@JM_Scindia</a> <a href=”https://twitter.com/DGCAIndia?ref_src=twsrc%5Etfw”>@DGCAIndia</a> <a href=”https://twitter.com/CISFHQrs?ref_src=twsrc%5Etfw”>@CISFHQrs</a> <a href=”https://t.co/OQn5WturKb”>pic.twitter.com/OQn5WturKb</a></p>— Nitish Bhardwaj (@Nitish_nicks) <a href=”https://twitter.com/Nitish_nicks/status/1557580806755086337?ref_src=twsrc%5Etfw”>August 11, 2022</a></blockquote> <script async src=”https://platform.twitter.com/widgets.js” charset=”utf-8″></script>
ఇక ఈ వీడియో సోషల్‌ మీడియాలో వైరల్‌గా మారడంతో అధికారులు స్పందించి అతగాడిపైన చర్యలు తీసుకున్నారు. వివరాల్లోకి వెళితే గురుగ్రామ్‌కు చెందిన బల్విందర్‌ కటారియా అనే వ్యక్తి ఇన్‌స్టాగ్రామ్‌ వీడియోలు చేస్తూ సోషల్‌ మీడియాలో యాక్టివ్‌గా ఉంటాడు. అతడికి ఇన్‌స్టాలో దాదాపు 6లక్షలకుపైగా ఫాలోవర్స్‌ ఉండటం కొసమెరుపు. కొన్నాళ్ల క్రితం దుబాయ్‌ నుంచి దిల్లీకి వచ్చే స్పైస్‌జెట్‌ విమానంలో ప్రయాణించిన ఆయన.. సీట్లలో ఠీవిగా పడుకొని సిగరెట్‌ కాల్చుతూ అక్కడితో ఆగకుండా సదరు వీడియోను సోషల్‌ మీడియాలో పోస్టు చేశాడు.
CISF కేసు నమోదు!
అయితే, దీనిని ఓ యూజర్‌ ట్విటర్‌లో పోస్టు చేస్తూ.. బాబీ కటారియాకు కొత్త రూల్స్‌ అంటూ ప్రశ్నించాడు. దాంతో ఈ ఘటనను తీవ్రంగా పరిగణించిన CISF అప్పటికే అతడిపై కేసు నమోదు చేసి చర్యలు తీసుకున్నట్లు తెలియజేసింది. ఇది కాస్త సోషల్‌ మీడియాలో వైరల్‌ కావడంతో బాబీ కటారియా ప్రవర్తనపై నెటిజన్లు తీవ్రస్థాయిలో మండిపడుతున్నారు. ఇలా మీడియాలో తనపై వార్తలు రావడంతో స్పందించిన కటారియా.. తన చర్యను సమర్థించుకోవడం గమనార్హం.