Video Viral: బాలుడిని గాయపర్చి కుక్క .. యజమానిపై కేసు నమోదు…ఎందుకంటే..?

Video Viral: సాధారణంగా రోడ్డు పై వెళుతున్న సమయంలో ఎవరైనా ప్రమాదానికి గురై కిందపడితే అటుగా వెళ్లే వాళ్లు వెంటనే అగి సాయం చేస్తుంటారు. అదే విధంగా కుక్కలు చిన్న పిల్లల వెంటపడితే అక్కడ ఉన్న పెద్ద వాళ్లు వెంటనే ఆ పిల్లలను కాపాడేందుకు ప్రయత్నిస్తారు. ఇవి మానవత్వ లక్షణాలు. అయితే ఒక గృహిణి తన పెంపుడు కుక్క ఓ చిన్నారిని గాయం చేయగా ఆ బాలుడు బాధతో ఏడుస్తున్నా ఆమె ఏమీ పట్టన్నట్లు వ్యవహరించడం తీవ్ర విమర్శలకు దారి తీసింది. చివరకు ఆ గృహిణిపై పోలీసులు కేసు నమోదు చేసే వరకూ వెళ్లింది.

వివరాల్లోకి వెళితే…ఉత్తరప్రదేశ్ ఫజియాబాద్ లోని ఓ హౌసింగ్ సొసైటీ లో నివసిస్తున్న బాలుడు పాఠశాల నుండి ఇంటికి వచ్చే క్రమంలో లిఫ్ట్ ఎక్కాడు. ఆ తర్వాత ఓ గృహిణి తన పెంపుడు కుక్క (శునకం) తో ఆ లిఫ్ట్ లో ఎక్కింది. అయితే లిఫ్ట్ లోకి వచ్చిన కొద్దిసేపటికే కుక్క ఆ బాలుడిని కరిచింది. దీంతో ఆ బాలుడు బాధతో విలవిలలాడిపోయాడు. కుక్క చేసిన గాయంతో ఆ బాలుడు ఏడుస్తున్నా ఆ కుక్క యజమాని (గృహిణి) మాత్రం తనకేమీ పట్టనట్లు నిర్లక్ష్యంగా ఉండిపోయింది. ఆ బాలుడిని అలా చూస్తూనే ఉండిపోయింది కానీ కనీసం సారీ కూడా చెప్పలేదు. మరల ఆ బాలుడు లిఫ్ట్ నుండి బయటకు వెళ్లే సమయంలోనూ కుక్క దాడికి యత్నించింది. అయితే దీనికి సంబంధించి దృశ్యాలు లిఫ్ట్ లోని సీసీ కెమెరాలో రికార్డు అయ్యాయి.

ఈ వీడియోను అకాశ్ అశోక్ గుప్తా అనే వ్యక్తి తన ట్విట్టర్ ఖాతాలో పోస్టు చేస్తూ ఆ మహిళ చర్యలను విమర్శించారు. ఈ వీడియో సోషల్ మీడియాలో వైరల్  కావడంతో నెటిజన్లు ఆ మహిళపై మండిపడుతున్నారు. జాలి, మానవత్వం లేని ఆ మహిళను శిక్షించాలంటూ పలువురు కామెంట్స్ చేశారు. ఈ వీడియోపై ఘజియాబాద్ పోలీసులు స్పందించారు. బాలుడి తల్లిదండ్రుల నుండి ఫిర్యాదు స్వీకరించి ఆ కుక్క యజమానిపై కేసు నమోదు చేశారు.

వీడియో లీక్ వ్యవహారంపై ఏపీ సీఐడీకి వైసీపీ ఎంపీ గోరంట్ల ఫిర్యాదు

a pet dog bites a kid in the lift while the pet owner keeps watching even while the pet owner the kid is in pain! where is the moral code here just cos no one is looking?
.
.
p.s: @ghaziabadpolice
Location: Charms Castle, Rajnagar Extension, Ghaziabad
Dtd: 5-Sep-22 | 6:01 PM IST pic.twitter.com/Qyk6jj6u1e

— Akassh Ashok Gupta (@peepoye_) September 6, 2022