SSMB 28: మహేష్ అభిమానులకు గుడ్ న్యూస్ తెలియజేసిన తమన్..!!

SSMB 28: సూపర్ స్టార్ మహేష్ బాబు “సర్కారు వారి పాట” తర్వాత త్రివిక్రమ్ దర్శకత్వంలో సినిమా చేయాలి. సర్కార్ వారి పాట రిలీజ్ అవ్వకముందే త్రివిక్రమ్ సినిమాకి సంబంధించిన పూజా కార్యక్రమాలు స్టార్ట్ అయ్యాయి. కానీ సినిమాకి సంబంధించిన రెగ్యులర్ షూటింగ్ నిన్నటి వరకు స్టార్ట్ కాలేదు. కానీ సోమవారం నాడు ఈ సినిమా రెగ్యులర్ షూటింగ్ స్టార్ట్ అయినట్లు మ్యూజిక్ డైరెక్టర్ తమన్ సోషల్ మీడియా ద్వారా తెలియజేశారు. మహేష్.. త్రివిక్రమ్ “SSMB 28” డ్రీమ్ జర్నీ స్టార్ట్ అయిందని సోషల్ మీడియా ద్వారా కామెంట్ పెట్టాడు.

దీంతో ఫ్యాన్స్ ఫుల్ హ్యాపీగా ఉన్నారు. త్రివిక్రమ్ దర్శకత్వంలో గతంలో మహేష్ అతడు, ఖలేజా సినిమాలు చేశారు. ఈ రెండు సినిమాలు కూడా నటన పరంగా మహేష్ ఇమేజ్ కి మంచి మైలేజ్ తీసుకురావడం జరిగింది. దీంతో మూడోసారి కాంబినేషన్ లో వస్తున్న “SSMB 28” పై ఫ్యాన్స్ భారీ అంచనాలు పెట్టుకోవడం జరిగింది. తెలుగుతో పాటు మరికొన్ని భాషల్లో ఈ సినిమా షూటింగ్ జరుపుకుంటుంది. ఈ సినిమాలో మహేష్ గడ్డంతో రఫ్ లుక్ లో కనిపించనున్నారు. చాలా వైవిధ్యమైన స్టోరీతో షూటింగ్ జరుపుకుంటున్న ఈ సినిమాలో హీరోయిన్ గా పూజ హెగ్డే నటిస్తోంది. ఈ సినిమాలో ప్రముఖ నటుడు మరొక హీరో కూడా కీలక పాత్ర చేస్తున్నట్లు వార్తలు వస్తున్నాయి.

తమిళ ఇండస్ట్రీకి చెందిన ఆర్కే సురేష్ … చేత మహేష్ సినిమాలో డిఫరెంట్ రోల్ చేయించే ఆలోచనలో త్రివిక్రమ్ ఉన్నట్లు సమాచారం. ఆర్కే సురేష్ ఎక్కువగా విశాల్ నటించిన సినిమాలలో నటించడం జరిగింది. ఆ తర్వాత ప్రొడ్యూసర్ గా కూడా రాణించారు. తమిళ సినిమా రంగంలో తనకంటూ గుర్తింపు పొందిన ఆర్కే సురేష్ నీ మహేష్ సినిమాలో తీసుకోవటానికి సినిమా యూనిట్ రెడీ అవుతున్నట్లు వార్తలు వినిపిస్తున్నాయి.