యంగ్ బ్యూటీ కృతి శెట్టి గురించి ప్రత్యేకమైన పరిచయాలు అవసరం లేదు. కెరీర్ స్టార్టింగ్ లోనే `ఉప్పెన`, `శ్యామ్ సింగ‌రాయ్‌`, `బంగార్రాజు` చిత్రాలతో హ్యాట్రిక్ హిట్స్‌ను ఖాతాలో వేసుకున్న ఈ ముద్దుగుమ్మ.. తాజాగా `ఆ అమ్మాయి గురించి మీకు చెప్పాలి` సినిమాతో ప్రేక్షకులను పలకరించింది.
ఇంద్రగంటి మోహనకృష్ణ దర్శకత్వంలో రూపుదిద్దుకున్న ఈ చిత్రంలో సుధీర్ బాబు, కృతి శెట్టి జంటగా నటించారు. బెంచ్‌మార్క్ స్టూడియోస్, మైత్రీ మూవీ మేక‌ర్స్ బ్యాన‌ర్ల‌పై ఈ చిత్రాన్ని నిర్మించారు. శుక్రవారం విడుదలైన ఈ సినిమా మిక్స్డ్ టాక్ ను సొంతం చేసుకుంది.
తీసుకున్న పాయింట్ కొత్త‌గా ఉన్నా.. కథనంలో వేగం లేకపోవడం ప్రధాన మైనస్ గా మారింది. ఇదిలా ఉంటే కృతి శెట్టి ఈ సినిమా ప్రమోషన్స్ లో భాగంగా సోషల్ మీడియా ద్వారా నెటిజన్ల‌తో ఇంట్రాక్ట్ అయింది. ట్విట్టర్ వేదికగా చిట్ చాట్ సెష‌న్‌ను నిర్వహించింది. ఈ సందర్భంగా ఎదురైన అన్ని ప్రశ్నలకు తనదైన శైలిలో సమాధానాలు ఇచ్చింది.
ఈ క్ర‌మంలోనే టాలీవుడ్, కోలీవుడ్ హీరోల గురించి కృతి శెట్టి ఆస‌క్తిక‌ర వ్యాఖ్య‌లు చేసింది. మ‌హేశ్ బాబు రీల్‌లోనే కాదు రియ‌ల్ లైఫ్‌లోనూ సూపర్ స్టార్ అని, అజిత్ జెన్యూన్ పర్సన్ అని, విజయ్ ఇన్స్పిరేషనల్ స్టార్ అని చెప్పుకొచ్చింది. ఈ క్ర‌మంలోనే ఓ నెటిజ‌న్ ప‌వ‌ర్ స్టార్ ప‌వ‌న్ క‌ళ్యాణ్ గురించి చెప్ప‌ని కోర‌గా.. అందుకు కృతి `మీకు లాగే నేను కూడా ఆయన అభిమానిని` అంటూ ఓపెన్ అయింది. దీంతో ఆమె కామెంట్స్ కాస్త నెట్టింట వైర‌ల్‌గా మారాయి.
Krishna Mukunda Murari: 45 ఏళ్ల వయసులో కూడా చెక్కుచెదరని అందంతో మైమరిపిస్తున్న కృష్ణ ముకుందా మురారి నటి.. ఫొటోస్ వైరల్..!