Anand Mahindra: రిషి సునాక్ ఎన్నికపై సోషల్ మీడియాలో వైరల్ అయిన అనంద్ మహీంద్రా ఆసక్తికర ట్వీట్

Anand Mahindra:  బ్రిటన్ ప్రధాన మంత్రిగా భారత సంతతికి చెందిన రిషి సునాక్ పగ్గాలు చేపట్టబోతున్న సంగతి సంగతి తెలిసిందే. రుషి సునాక్ ఏకగ్రీవంగా ఎన్నిక కాగా ఈ నెల 28వ తేదీన పీఎంగా ప్రమాణ స్వీకారం చేయనున్నట్లు వార్తలు వెలువడుతున్నాయి. బ్రిటల్ ప్రధానిగా ఎంపికైన ఆయనకు ప్రపంచ వ్యాప్తంగా అభినందలు వెల్లువెత్తుతున్నాయి. ప్రధాన మంత్రి మోడీ సహా అనేక మంది రుషి సునాక్ కు అభినందలు తెలియజేస్తూ ట్వీట్ చేస్తున్నారు. ఇదే సందర్భంలో సోషల్ మీడియాలో చాలా యాక్టివ్ గా ఉండే భారత వ్యాపార దిగ్గజం ఆనంద మహీంద్రా ఆయనకు అభినందనలు తెలియజేస్తూ చేసిన ఆసక్తికర ట్వీట్ సోషల్ మీడియాలో వైరల్ అయ్యింది.

బ్రిటన్ మాజీ ప్రధాని విన్ స్టన్ చర్చిల్ గతంలో భారత్ పై చేసిన వ్యాఖ్యలను గుర్తు చేస్తూ నేడు భారత వ్యక్తులు ఏ స్థాయిలో ఉన్నారో చెప్పకనే చెప్పారు ఆనంద్ మహీంద్రా. “1947 లో స్వాతంత్య్రం వేళ భారత నాయకులందరూ తక్కువ స్థాయిని కలిగి ఉంటారని, వారి లో తక్కువ శక్తి సామర్థ్యాలు ఉంటాయంటూ విన్ స్టన్ చర్చిల్ అవహేళన చేశారు. కానీ దేశానికి స్వాతంత్య్రం వచ్చి 75 ఏళ్లు పూర్తయిన ఈ సందర్భంలో భారతీయ సంతతికి చెందిన ఓ వ్యక్తి బ్రిటన్ పగ్గాలు చేపట్టడం ద్వారా వారికి తగిన జవాబు ఇచ్చారు. జీవితం ఎంతో అందమైంది” అంటూ ఆనంద్ మహీంద్ర ట్వీట్ చేశారు. కాగా ప్రస్తుతం ఈ ట్వీట్ సోషల్ మీడియాలో వైరల్ గా మారింది. ఇప్పటికి 90వేల మందికిపైగా లైక్ చేశారు. అనేక మంది కామెంట్స్ చేస్తూ అనేక మంది భారతీయులు విదేశాలల్లో ఉన్నత పదవుల్లో ఉన్న విషయాలను ఈ సందర్భంగా గుర్తు చేస్తున్నారు.

In 1947 on the cusp of Indian Independence, Winston Churchill supposedly said “…all Indian leaders will be of low calibre & men of straw.” Today, during the 75th year of our Independence, we’re poised to see a man of Indian origin anointed as PM of the UK. Life is beautiful…

— anand mahindra (@anandmahindra) October 24, 2022