Superstar Krishna: సూపర్ స్టార్ కృష్ణ మరణ వార్త యావత్ తెలుగు రాష్ట్రాన్ని కలిచి వేసింది. కార్డియాక్ అరెస్ట్ తో కాంటినెంటల్ హాస్పిటల్ లో సోమవారం జాయిన్ అవ్వగా అందరూ ఆయన బతకాలని భగవంతునికి ప్రార్ధనలు చేశారు. కానీ మంగళవారం తెల్లవారుజామున ఆయన తుది శ్వాస విడవటంతో కుటుంబ సభ్యులు మరియు అభిమానులు కన్నీరుమున్నీరయ్యారు. ముఖ్యంగా మహేష్ బాబు తట్టుకోలేకపోయారు. ఓకే ఏడాదిలో అన్న, తల్లి, నాన్న మరణించడంతో… మహేష్ దుఃఖాన్ని ఆపుకోలేకపోయారు.
తెలుగు సినిమా రంగం స్థాయిని పెంచడంలో కృష్ణ ప్రముఖ పాత్ర పోషించారు. దీంతో ఈరోజు మరికొద్ది గంటల్లో అంత్యక్రియలు ప్రభుత్వాలు లాంఛనాలతో జరగనున్నాయి. పరిస్థితి ఇలా ఉంటే దాదాపు 350 కి పైగా సినిమాలు చేసిన కృష్ణ.. జీవితంలో కోన్ని కోరికలు తీరకుండానే ఈ లోకాన్ని విడిచి వెళ్ళిపోయారు. అదేమిటంటే చత్రపతి శివాజీ జీవిత ఆధారంగా ఓ ప్రాజెక్ట్ తెరకెక్కించాలని కలలు కన్నారు. ఇందుకోసం స్క్రిప్ట్ మొత్తం అంతా రెడీ చేసుకున్నారు. ఎన్నో ప్రయత్నాలు చేసినా గాని ఇది సెట్స్ మీదకి తీసుకెళ్లలేకపోయారు. కాగా శివాజీగా కనిపించకపోయినా గానీ.. చంద్రహాస్ అనే సినిమాలో చిన్న వేషం వేశారు. అలాగే మహేష్ బాబుతో మరియు మనవడు గౌతమ్ తో కలిసి ఓ సినిమాలో నటించాలని కృష్ణ భావించారు.
ఈ క్రమంలో ఈ కోరికలు తీరకుండానే తుది శ్వాస విడిచారు. ఇదిలా ఉంటే ఈరోజు గచ్చిబౌలి స్టేడియంలో అభిమానుల సందర్శనార్థం భౌతికకాయాన్ని ఉంచనున్నారు. అనంతరం మహాప్రస్థానంలో ప్రభుత్వ లాంచనాలతో అధికారికంగా అంత్యక్రియలు జరగనున్నాయి. ఇక నేడు కృష్ణ అంత్యక్రియలు నేపథ్యంలో ఇండస్ట్రీలో షూటింగులు మొత్తం బంద్ ప్రకటించింది తెలుగు ఫిలిం ఛాంబర్స్ కౌన్సిల్. ఇప్పటికే కృష్ణ పార్థివ దేహాన్నికి ఇండస్ట్రీ ప్రముఖులతో పాటు తెలంగాణ ముఖ్యమంత్రి కేసీఆర్ మరి కొంతమంది నేతలు నివాళులర్పించారు. నేడు ఆంధ్రప్రదేశ్ రాష్ట్ర ముఖ్యమంత్రి వైయస్ జగన్మోహన్ రెడ్డి.. కృష్ణ భౌతిక గాయానికి నివాళులర్పించడానికి వస్తున్నారు.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!