Ananth Ambani: భారత కుబేరుడు, రిలయన్స్ ఇండస్ట్రీస్ అధినేత ముకేశ్ అంబానీ ఇంట పెళ్లి సందడి మొదలైంది.. ముకేశ్, నీతా అంబానీల చిన్న కుమారుడు అనంత్ అంబానీ, రాధికా మర్చంట్ల నిశ్చితార్థం గురువారం ఘనంగా జరిగింది. ముంబయిలోని అంబానీ ఇంటి వద్ద గ్రాండ్ పార్టీ ఇచ్చారు.. ఈ పార్టీకి పలువురు సినీ, రాజకీయ ప్రముఖులు హాజరై సందడి చేశారు..
అనంత్ అంబానీ, రాధికా మర్చంట్ల నిశ్చితార్థ పార్టీలో బాలీవుడ్ నటి జాన్వీ కపూర్ తన బాయ్ఫ్రెండ్ శిఖర్ పహరియాతో కలిసి వచ్చి అందరి దృష్టిని ఆకర్షించింది. అలాగే బీ టౌన్ నుంచి బాద్షా షారుక్ ఖాన్, రణ్బీర్ కపూర్, ఆలియా భట్, రణ్వీర్ సింగ్, ఐశ్వర్య, అభిషేక్ బచ్చన్, జహీర్ఖాన్, సాగరిక పలువురు హాజరై సందడి చేశారు.. ఇందుకు సంబంధించిన ఫొటోలు, వీడియోలు నెట్టింట వైరల్ అవుతున్నాయి.
అనంత్ అంబానీ నిశ్చితార్థం రాధిక మర్చంట్తో రాజస్థాన్లోని శ్రీనాథ్జీ ఆలయంలో జరిగింది. ఎన్కోర్ హెల్త్కేర్ సంస్థ సీఈఓ విరెన్ మర్చంట్ శైలజా మర్చంట్ల కూతురే రాధిక మర్చంట్.. ఇరు కుటుంబాల మధ్య మంచి సన్నిహిత సంబంధాలు ఉన్నాయి. అనంత్ , రాధికా చాలా ఏళ్లుగా ప్రేమించుకుని త్వరలో వివాహ బంధంతో ఒక్కటికాబోతున్నారు..