Nayanthara: లేడీ సూపర్ స్టార్ నయనతార గురించి ప్రత్యేకంగా చెప్పనవసరం లేదు. 2003లో హీరోయిన్ గా ఇండస్ట్రీలో అడుగుపెట్టిన నయనతార అతి తక్కువ కాలంలోనే అగ్ర హీరోయిన్ గా పాపులారిటీ సంపాదించింది. సౌత్ ఫిలిం ఇండస్ట్రీలో దాదాపు టాప్ మోస్ట్ హీరోలందరితో నటించింది. ప్రభాస్, విజయ్, రజినీకాంత్, నాగార్జున, వెంకటేష్, బాలకృష్ణ, ఎన్టీఆర్ ఇంకా చాలామంది సౌత్ ఫిలిం ఇండస్ట్రీలో హీరోలతో సినిమాలు చేసింది. బాలీవుడ్ లో షారుక్ ఖాన్ తో గత ఏడాది “జవాన్” సినిమాలో నటించింది. 2022వ సంవత్సరంలో విగ్నేష్ శివన్ నీ ప్రేమించి పెళ్లి చేసుకోవడం జరిగింది.
దాదాపు రెండు దశాబ్దాలకు పైగా ఇండస్ట్రీలో టాప్ హీరోయిన్ గా దూసుకుపోతుంది. ప్రస్తుతం పాన్ ఇండియా ప్రాజెక్టులతో పాటు ఓటీటీ సినిమాలు కూడా చేస్తూ ఉంది. నయనతార రీసెంట్ సినిమా “అన్నపురాణీ” నెట్ ఫ్లిక్స్ తమ వేదిక నుంచి తొలగించింది. డిసెంబర్ మొదటి తారీకు విడుదలైన ఈ సినిమా వివాదాస్పదం కావడంతో అదే నెల 29వ తారీకు నెట్ ఫ్లిక్స్ లో అందుబాటులోకి రావడం జరిగింది. అయితే సినిమాలో హిందువుల మనోభావాలు దెబ్బతీసే విధంగా కొన్ని సన్నివేశాలు ఉన్నాయని.. కొన్ని హిందూ సంఘాలు మండిపడ్డాయి. ఈ క్రమంలో రమేష్ సోలంకి అనే వ్యక్తి కోర్టును ఆశ్రయించారు. దీంతో నెట్ ఫ్లిక్స్ “అన్నపురాణీ” తొలగిస్తున్నట్లు ప్రకటించడం జరిగింది. తాజాగా మధ్యప్రదేశ్ రాష్ట్రంలో ఓమ్తీ పోలీస్ స్టేషన్ లో నయనతార తో పాటు సినిమా నిర్మాతలు, నెట్ ఫ్లిక్స్ ఇండియా ప్రతినిధి మోనికా షెర్గిల్ సహా మొత్తం ఏడుగురుపై ఎఫ్ఐఆర్ నమోదయింది. సినిమాలో హిందువుల మనోభావాలను దెబ్బతీయటం, రాముడిని కించపరిచే విధంగా సన్నివేశాలు ఉన్నాయని లవ్ జీహాద్ నీ ప్రేరేపించేలా స్క్రిప్ట్ ఉందని రైట్ వింగ్ నేతలు ఫిర్యాదు చేశారు.
నయనతార కెరియర్ లో 75వ చిత్రంగా గత నెల డిసెంబర్ నెలలో “అన్నపురాణీ” విడుదలయ్యింది. అప్పటికే వివాదాస్పదం కావడంతో ఓటీటీలో విడుదలైన ఈ సినిమాకి మంచి రెస్పాన్స్ రావడం మాత్రమే కాదు.. వివాదం కంటిన్యూ అయ్యింది. దీంతో ఇప్పుడు ఎఫ్ఐఆర్ నమోదు చేయాల్సిన పరిస్థితి నెలకొంది. “అన్నపురాణీ”లో రాముడు మాంసం తింటాడు అంటూ దేవుళ్ళను కించపరిచే విధంగా సినిమాలో డైలాగులు ఉన్నాయని హిందూ సంఘాలు మండిపడ్డాయి. ముఖ్యంగా బ్రాహ్మణ అమ్మాయి మాంసాహారం వండటం వంటి సన్నివేశాలపై తీవ్ర అభ్యంతరం వ్యక్తం చేయడం జరిగింది. “అన్నపురాణీ” సినిమా వివాదం రోజురోజుకీ పెరిగిపోతోంది. తాజాగా హీరోయిన్ నయనతార పై కేసు నమోదు కావడం సంచలనం సృష్టించింది.
Balakrishna: బాలకృష్ణ చేసిన ఆ పనికి నేను ఎప్పుడూ రుణపడి ఉంటా.. బుల్లితెరపై కంటతడి పెట్టిన ఉదయభాను..!