Balakrishna: నందమూరి నటసింహం బాలయ్య గురించి ప్రత్యేకంగా చెప్పక్కర్లేదు. ఈయన ఎన్నో సినిమాలు చేసి బ్లాక్ బస్టర్ హిట్ల‌ని అందుకున్నాడు. ఇక ఇటీవలే ” భగవంత్ కేసరి ” సినిమాతో ప్రేక్షకుల ముందుకి వచ్చి సూపర్ హిట్ విజయాన్ని అందుకున్నాడు బాలయ్య. ఇక బాలయ్య తన సినిమాతో అలరించిన మూవీలలో ” ఆదిత్య 369 ” ఒకటి.
ప్రయోగల దర్శకుడిగా పేరున్న సంగీతం శ్రీనివాసరావు తెరకెక్కించిన ఈ మూవీ బాక్స్ ఆఫీస్ వద్ద భారీ విజయాన్ని దక్కించుకుంది. ఇక కృష్ణ కుమార్ గా, శ్రీ కృష్ణ దేవరాయులుగా తన నటనతో ఆకట్టుకున్నాడు బాలయ్య. అయితే తొలుత కృష్ణ కుమార్ పాత్రలో కమల్ హాసన్ అయితే ఎలా ఉంటుంది? అని ఆలోచించడం జరిగింది దర్శక నిర్మాతలు.
ఇక శ్రీకృష్ణ దేవరాయలు పాత్రకు బాలయ్య మాత్రమే న్యాయం చేయగలరని ఆ పాత్ర కు ఆయనను ఎంపిక చేశారు. కృష్ణ కుమార్ పాత్రకు మాత్రం కమల్ సరిపోతారని.. ఈ ఇద్దరితో మల్టీ స్టార్ మూవీగా తెరకెక్కిద్దామని ఆలోచించారు మేకర్స్. అయితే అప్పటికి కమల్ హాసన్ మరో రెండు సినిమాలతో బిజీగా ఉండడంతో ఈ ప్రాజెక్టులో నటించేందుకు సమయం దొరకలేదు. ఇక దీంతో బాలకృష్ణ రెండు పాత్రలు పోషించడం జరిగింది.