Niharika: మెగా డాటర్ నిహారిక మనందరికీ సుపరిచితమే. నిహారిక ఎన్నో సినిమాలలో నటించినప్పటికీ పెద్దగా పాపులారిటీ మాత్రం దక్కలేదు. ఇక దీంతో జొన్నల గడ్డ చైతన్య ని వివాహం చేసుకుంది. 2020 డిసెంబర్ 9న ఉదయ్ పూర్ విలాస్ లో గ్రాండ్ గా వీరి పెళ్లి జరిగింది. కానీ వీరికి కాపురం ఒక్క సంవత్సరం కూడా నిలవలేదు. సంవత్సరం పూర్తి కాకముందే విడాకులు తీసుకుని విడిపోయారు.
ఈ విషయాన్ని స్వయంగా నిహారిక తన సోషల్ మీడియా ఖాతాల ద్వారా వెల్లడించింది. ఇక ఈమె విడాకులు అనంతరం ఈమెపై ఎన్ని ట్రోల్స్ వచ్చినా పట్టించుకోకుండా తన పని తాను చేసుకుంటూ పోతుంది. అలానే ఈ ముద్దుగుమ్మ నిత్యం సోషల్ మీడియా లో యాక్టివ్ గా ఉంటూ పలు ఆసక్తికర విషయాలను తన ఫ్యాన్స్ తో పంచుకుంటుంది. అంతేకాకుండా ఎప్పుడు ఏదో వెకేషన్ కి వెళుతూ ఎంజాయ్ చేస్తుంది.
ఇక ఈ ముద్దుగుమ్మ ఇటీవలే ఓ నిర్మాణ సంస్థని కూడా ప్రారంభించిన సంగతి తెలిసిందే. ఇక తాజాగా ఓ ఇంటర్వ్యూలో పాల్గొన్న నిహారిక తన విడాకులపై స్పందించింది. ఈ ముద్దుగుమ్మ మాట్లాడుతూ..” విడాకులతోనే జీవితం ముగిసిపోయినట్లుగా నేను అనుకోలేదు. ఎదుటి వారిని ఈజీగా నమ్మకూడదని పెళ్లి తర్వాత అర్థమైంది. అదొక అనుభవం. ఇప్పటికీ అవన్నీ గుర్తొస్తే కన్నీళ్లు వస్తాయి. పెళ్లి అనేది ప్రతి ఒక్కరి జీవితంలో ఎంతో ముఖ్యమైన ఘటన.
కానీ కొన్ని కొన్ని సార్లు అనుకోని విధంగా జరుగుతాయి. కావాలని ఎవ్వరూ తమ జీవితాన్ని నాశనం చేసుకోరు. నా విషయంలో కూడా అదే జరిగింది. ప్రజలు నా గురించి ఏమనుకుంటున్నారో అనేది నాకు అనవసరం. నా గురించి నా ఫ్యామిలీ మరియు నా స్నేహితులు ఏమనుకుంటున్నారో అదే నాకు ముఖ్యం. అంతేకానీ నాకు తెలియని వారు ఏమనుకున్నా నేను పట్టించుకోను ” అంటూ చెప్పుకొచ్చింది నిహారిక. ప్రస్తుతం నిహారిక వ్యాఖ్యలు సోషల్ మీడియాలో నెట్టింట వైరల్ గా మారాయి.