Brahmanandam: బ్రహ్మానందం ఈ పేరుకు ప్రత్యేకమైన పరిచయం అవసరం లేదు. తన హాస్య నటనతో ఎంతోమంది ప్రేక్షకులని ఆకట్టుకున్నాడు బ్రహ్మానందం. ఏ పాత్రలో నటించిన ఆ పాత్రకి ప్రాధాన్యత ఇస్తే గొప్ప పేరు ప్రఖ్యాతలు సంపాదించుకోవచ్చు అనే దానిని ప్రూవ్ చేశాడు బ్రహ్మానందం.
హీరో, హీరోయిన్ లకీ మాత్రమే గుర్తింపు రాదని కమెడియన్స్ కూడా మంచి పేరు ప్రఖ్యాతలు పొందచ్చని ప్రపంచానికి చాటి చెప్పాడు. ఇక ఈయన నటనకు గాను ఎన్నో పురస్కారాలు దక్కాయి. ఇక ప్రస్తుతం ఈయనకి వయసు మల్లడంతో పెద్దగా సినిమాలలో నటించడం లేదు. ఇక నేడు బ్రహ్మానందం 68వ పుట్టినరోజు.
బ్రహ్మీ తన కామెడీ టాలెంట్ తో కొన్ని సంవత్సరాలు పాటు తెలుగు ఇండస్ట్రీని షేక్ చేశాడని చెప్పొచ్చు. బ్రహ్మి ఇంటిపేరు కన్నెగంటి బ్రహ్మానందం.. ఈయన ఫిబ్రవరి 1 (నేడు) 1956లో సత్తెనపల్లి , ఆంధ్రప్రదేశ్లో జన్మించారు తెలుగులో మాస్టర్స్ చేసిన బ్రహ్మీ మొదట సినిమాలలో కాకుండా దూరదర్శన్ లో వచ్చే పకపక్కలు ప్రోగ్రాంలో నవ్వులు కురిపించాడు. అనంతరం ఈయన యాక్టింగ్ బాగుండడంతో ఆహనా పెళ్ళమంట సినిమాలో ఛాన్స్ ఇచ్చారు.
ఇక అప్పటినుంచి తన సినీ కెరీర్లో ఎన్నో అద్భుతమైన సినిమాలలో తన హాస్యాన్ని ప్రదర్శించి ప్రతి ఒక్క ప్రేక్షకుడిని ఆకట్టుకున్నాడు బ్రహ్మీ. స్టార్ హీరోలకి ఎంత పాపులారిటీ ఉంటుందో బ్రహ్మానందం కూడా అంతే పాపులారిటీని సంపాదించుకున్నాడు. ఇక నేడు ఈయన పుట్టినరోజు కావడంతో ఈయన అభిమానులు గ్రాండ్గా సెలబ్రేట్ చేసుకుంటున్నారు. అంతేకాకుండా పలువురు సినీ సెలబ్రెటీలు సైతం బ్రహ్మానందానికి స్పెషల్ విషెస్ తెలియజేస్తున్నారు.
