ఏపీ అధికార పార్టీ వైసీపీ నుంచి సస్పెండ్కు గురైన నలుగురు ఎమ్మెల్యేల వ్యవహారం.. మరోసారి ఆసక్తిగా మారింది. ఇప్పటికి 4 సార్లు.. వీరు స్పీకర్ తమ్మినేని సీతారాం ఆదేశాలను ధిక్కరించారు. ఆయన వీరిని ఆ నాలుగు సార్లు తన చాంబర్కు వచ్చి వివరణ ఇవ్వాలని ఎమ్మెల్యేలకు నోటీసులు పంపించారు. అయితే, వారు డుమ్మా కొట్టారు. కనీసం సమాచారం కూడా ఇవ్వలేదు. దీంతో వీరిపై చర్యలు తప్పవనే సంకేతాలు అసెంబ్లీ సెక్రటేరియెట్ నుంచి వచ్చాయి. కానీ, ఇది మొన్నటి మాట. కానీ, ఇప్పుడు వ్యూహం యూటర్న్ తీసుకుంది. దీంతో ఆ నలుగురు సేఫ్ అయిపోయారని అంటున్నారు.
విషయం ఏంటంటే.. వైసీపీ టికెట్పై గెలిచిన.. ఆనం రామనారాయణ రెడ్డి(వెంకటగిరి), కోటంరెడ్డి శ్రీధర్రెడ్డి(నెల్లూరు రూరల్), ఉండవల్లి శ్రీదేవి(తాడికొండ), మేకపాటి చంద్రశేఖర్రెడ్డి(ఉదయగిరి) లపై అనర్హత వేటు వేయాలని వైసీపీ సర్కారు చీఫ్ విప్ ప్రసాదరాజు స్పీకర్కు ఫిర్యాదు చేసిన విషయం తెలిసిందే. దీంతో ఇప్పటికే పలు దఫాలుగా వారికి నోటీసులు ఇచ్చారు. అయితే.. దీనిపై వారు హైకోర్టును ఆశ్రయించినా.. అక్కడ ఊరట లభించలేదు. అయినప్పటికీ.. మరోసారి వచ్చి కలవాలని స్పీకర్ వారిని కోరారు.
ఈ క్రమంలోనే నాలుగు సార్లు రావాలని సూచించారు. నిర్దేశిత సమయం గడిచిపోయినప్పటికీ వైసీపీ రెబల్ ఎమ్మెల్యేలు విచారణకు హాజరుకాని పరిస్థితి నెలకొంది. అయితే .. ఇలా విచారణకు గైర్హాజరు కావడంతో స్పీకర్ తీసుకునే నిర్ణయం ఉందంటూ.. వార్తలు మొన్నటి వరకు హల్చల్ చేశాయి. దీంతో రాజకీయంగా దుమారం రేగుతుందని.. రెబల్స్పై వేటుఖాయమని అందరూ అనుకున్నారు. కానీ, ఇప్పుడు అనూహ్యంగా వారు సేఫ్ అయిపోయారు. ఇక, వారిపై ఈగైనా వాలే పరిస్థితి ఉండదు.
దీనికి కారణం.. రాజ్యసభ కు ఎన్నికలు లేకపోవడమే. ఈ నెల 27 న రాష్ట్రంలో మూడు రాజ్యసభ స్థానాల కు ఎన్నికలు జరగాల్సి ఉంది. ఈ నేపథ్యంలో ఎమ్మెల్యేలు పాల్గొని.. ఈ మూడు స్థానాలకు ఓటు హక్కు వినియోగించుకోవాల్సి ఉంది. కానీ, ఎందుకో.. టీడీపీ అధినేత పోటీకి దూరంగా ఉన్నారు. దీంతో ఎలాంటి పోటీ లేకుండానే.. వైసీపీ నుంచి ఎంపికైన వైవీ సుబ్బారెడ్డి, మేడా రఘునాథరెడ్డి, గొల్ల బాబూరావులు.. ఏకగ్రీవంగా పెద్దల సభకు ఎన్నికయ్యారు.
దీంతో ఈ నెల 27న ఎన్నికలు నిర్వహించాల్సిన అవసరం లేకుండా పోయింది. ఫలితంగా వైసీపీ రెబల్స్ వ్యవహారం.. లైట్ అయిపోయింది. వారిపై ఇక ఎలాంటి చర్యలు ఉండబోవని.. ప్రభుత్వం కూడా పట్టించుకోదని పరిశీలకులు చెబుతున్నారు.
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!