Devara: యంగ్ టైగర్ ఎన్టీఆర్ కొత్త సినిమా “దేవర” పై అభిమానులకు భారీ అంచనాలు ఉన్నాయి. కొరటాల శివ దర్శకత్వం వహిస్తున్న ఈ సినిమా ఎన్టీఆర్ కెరియర్ లో 30వ సినిమా. ఈ సినిమాకి సంబంధించి షూటింగ్ మొన్నటి వరకు చాలా వేగవంతంగా జరిగింది. అయితే సినిమాలో విలన్ పాత్ర చేస్తున్న సైఫ్ అలీ ఖాన్ సీక్వెన్స్ సన్నివేశాలు చిత్రీకరిస్తున్న సమయంలో గాయపడ్డారు. ఈ క్రమంలో ఎడమ చేయి ఫ్రాక్చర్ కావడంతో సర్జరీ చేయడం జరిగింది. ఈ పరిణామంతో “దేవర” షూటింగ్ ఆలస్యంగా జరుగుతుంది. రెండు భాగాలుగా రాబోతున్న ఈ సినిమా మొదటి భాగం ఏప్రిల్ 5వ తారీఖు విడుదల చేయాలని మొదట ప్లాన్ చేసీ అధికారిక ప్రకటన చేశారు.
1704711484713.jpg "In Devara Movie Ayudha Pooja Song will be the major highlight of the Movie")
కానీ సినిమాలో విలన్ పాత్ర చేస్తున్న సైఫ్ అలీఖాన్ చేయి ఫ్రాక్చర్ కావడంతో.. సర్జరీ జరగడంతో సినిమా విడుదల వాయిదా పడింది. దీంతో దసరా పండుగ కానుకగా అక్టోబర్ 10వ తారీకు విడుదల చేయాలని డిసైడ్ అయ్యారు. ఇదిలా ఉంటే ఈ సినిమాలో హైలెట్ సన్నివేశం గురించి సోషల్ మీడియాలో ఇండస్ట్రీలో ఓ వార్త వైరల్ అవుతుంది. అదేమిటంటే “దేవర”లో ఆయుధ పూజ సాంగ్.. సినిమాకి హైలైట్ గా ఉంటుందట. మ్యూజిక్ డైరెక్టర్ అనిరుద్.. ఈ సాంగ్ కి అద్భుతమైన బాణీలు అందించడం జరిగిందట. ఒక కొత్తదనంతో కూడిన మ్యూజిక్ ఆయుధ పూజ సాంగ్ కి ఇవ్వటం జరిగిందట. ఈ సినిమాలో ఎన్టీఆర్ డబల్ రోల్ లో కనిపించబోతున్నట్లు టాక్.
“RRR” వంటి ప్రపంచస్థాయి సినిమా విజయం తర్వాత ఎన్టీఆర్ చేస్తున్న ఈ సినిమాపై ప్రపంచవ్యాప్తంగా భారీ అంచనాలు ఉన్నాయి. దీంతో కొరటాల చాలా జాగ్రత్తగా సినిమా చిత్రీకరిస్తున్నారట. ఎన్టీఆర్ సరసన జాహ్నవి కపూర్ హీరోయిన్ గా నటిస్తోంది. “దేవర”లో వాటర్ సీక్వెన్స్ లో వచ్చే యాక్షన్స్ సన్నివేశాలు ఇండియన్ ఫిలిం ఇండస్ట్రీలో ఎవరు చిత్రీకరించని విధంగా తీసినట్లు.. నిర్మాతలలో ఒకరైన నందమూరి కళ్యాణ్ రామ్ అంటున్నారు. ఏది ఏమైనా “దేవర” కి మ్యూజిక్ డైరెక్టర్ అనిరుద్.. అద్భుతమైన బాణీలు ఇచ్చినట్లు అందులో ఆయుధ పూజ సాంగ్ సినిమాకే హైలెట్ కాబోతున్నట్లు వచ్చిన న్యూస్ ఫ్యాన్స్ కి సినిమాపై మరింత హైప్ పెంచుతోంది.