Ram Charan: ఈ నెల 27 గ్లోబల్ స్టార్ రామ్ చరణ్ బర్త్ డే నేపథ్యంలో అభిమానులు భారీ ఎత్తున ఏర్పాట్లు చేస్తున్నారు. ప్రతి ఏడాది లాగానే ఈసారి కూడా పెద్ద ఎత్తున సెలబ్రేషన్స్ చేయడానికి ఫ్యాన్స్ మొత్తం పక్క ప్లానింగ్ తో ఉన్నారు. ఈ క్రమంలో చరణ్ కోసం సిద్ధం చేసిన కామన్ డిస్ ప్లే పిక్చర్ ని టాలీవుడ్ లో చరణ్ బెస్ట్ ఫ్రెండ్ రానాతో విడుదల చేయించారు. “నా ప్రియమైన వ్యక్తి CDPని విడుదల చేసేందుకు చాలా సంతోషంగా ఉంది. ఇక వేడుకలు ప్రారంభిద్ధాం” అని నటుడు రానా ట్వీట్ చేశారు. తెలుగు చలనచిత్ర పరిశ్రమలో దగ్గుబాటి రానా .. రామ్ చరణ్ చిన్ననాటి నుండి స్నేహితులు.
వీరిద్దరూ హైస్కూల్ నుండి స్నేహితులు. చాలా టెలివిజన్ షోలలో.. సినిమా వేడుకలపై రామ్ చరణ్.. తన బెస్ట్ ఫ్రెండ్ రానా అని తెలియజేయడం జరిగింది. దీంతో మరికొద్ది రోజుల్లో చరణ్ బర్తడే నేపథ్యంలో రానా…చరణ్ బర్త్ డే సెలేబ్రషన్స్ కి సంబంధించి కామన్ డిస్ ప్లే పిక్చర్ విడుదల చేయటం సంచలనంగా మారింది. ఇదిలా ఉంటే రామ్ చరణ్ నటించిన “RRR” రిలీజ్ అయ్యి రెండు సంవత్సరాలు కావస్తుంది. దీంతో ఫ్యాన్స్ ఎప్పటి నుండో అసహనంగా ఉన్నారు. ఈ నేపథ్యంలో తన నెక్స్ట్ సినిమాలో అప్డేట్స్ వరుస పెట్టి బర్త్ డే నాడు చరణ్ విడుదల చేయబోతున్నారు.
ఈ క్రమంలో “గేమ్ చేంజర్” సినిమాకి సంబంధించి విడుదల తేదీ సాంగ్ రిలీజ్ చేయబోతున్నారట. అలాగే బుచ్చిబాబు, సుకుమార్ సినిమాలకు సంబంధించి కూడా అప్డేట్స్ రాబోతున్నట్లు సమాచారం. మూడు రోజుల క్రితమే బుచ్చిబాబు సినిమా పూజా కార్యక్రమాలు స్టార్ట్ అయ్యాయి. దీంతో ఈ సినిమా టైటిల్ ప్రకటన వచ్చే అవకాశం ఉన్నట్లు వార్తలు వినిపిస్తున్నాయి. “RRR” తర్వాత రెండు సంవత్సరాల గ్యాప్ రావడంతో ప్రస్తుతం చేస్తున్న సినిమాలు వేగవంతంగా పూర్తి చేయడానికి రామ్ చరణ్ సిద్ధమవుతున్నారు.