Ram Charan: ఈనెల 27వ తారీకు మెగా పవర్ స్టార్ రామ్ చరణ్ తేజ్ పుట్టినరోజు. దీంతో రెండు తెలుగు రాష్ట్రాలలో మరియు ప్రపంచవ్యాప్తంగా మెగా అభిమానులు చరణ్ జన్మదినోత్సవాన్ని ఘనంగా నిర్వహించడానికి రెడీ కావడం జరిగింది. ప్రతి ఏడాది లాగానే అనేక సేవా కార్యక్రమాలతో పాటు సోషల్ మీడియాలో కూడా చరణ్ పేరిట ట్రెండింగ్ అయ్యేలా సరికొత్త హ్యష్ ట్యాగ్ ప్లాన్ చేస్తున్నారు. కూతురు పుట్టిన తర్వాత వస్తున్న పుట్టినరోజు కావటంతో మెగా కుటుంబ సభ్యులు కూడా ఈ వేడుకను ఘనంగా నిర్వహిస్తున్నట్లు సమాచారం. ఇదిలా ఉంటే చరణ్ బర్త్ డే నాడు గేమ్ చేంజర్, బుచ్చిబాబు, సుకుమార్ సినిమాలకు సంబంధించి అప్ డేట్స్ రాబోతున్నట్లు వార్తలు వస్తున్నాయి.
ఆల్రెడీ మార్చి 25వ తారీకు సోమవారం సుకుమార్… రామ్ చరణ్ కాంబినేషన్ లో కొత్త సినిమా సినిమా చేయబోతున్నట్లు.. మైత్రి మూవీ మేకర్స్ నిర్మాణ సంస్థ స్పెషల్ పోస్టర్ రిలీజ్ చేసింది. అనంతరం చరణ్ జన్మదినోత్సవానికి సంబంధించి “కామన్ డిపి” మైత్రి మూవీ మేకర్స్ విడుదల చేయడం జరిగింది. “ఇండియన్ సినిమాకి గేమ్ చేంజర్, గ్లోబల్ స్టార్ రామ్ చరణ్ బర్త్ డే సీడీపీని విడుదల చేసాం. తన అభిరుచి, నిబద్ధతతో.. మెగాస్టార్ లెగసీని గ్లోబల్ వేదిక పైకి తీసుకెళ్లారు..అని ట్వీట్ చేశారు. చరణ్ బర్త్ డే నాడు ఒకేసారి మూడు సినిమాల నుండి అప్డేట్స్ రాబోతున్న నేపథ్యంలో ఫ్యాన్స్ ఫుల్ హ్యాపీగా ఉన్నారు.
ఆరోజు చాలా వరకు “గేమ్ చేంజర్” విడుదల తేదీ తెలిసే అవకాశం ఉన్నట్లు ఇండస్ట్రీ వర్గాలు అంటున్నాయి. అంతేకాకుండా సాంగ్ కూడా రిలీజ్ కాబోతుందట. బుచ్చిబాబు సినిమాకి సంబంధించి టైటిల్ ప్రకటన ఉండనున్నట్లు సమాచారం. ఒకేసారి దాదాపు చరణ్ నటించబోయే మూడు సినిమాల అప్ డేట్స్ వచ్చే అవకాశం ఉండటంతో ఫ్యాన్స్ ఎంతో ఆసక్తిగా ఎదురుచూస్తున్నారు. RRR రిలీజ్ అయ్యి దాదాపు రెండు సంవత్సరాలు కావటంతో ఇకనుండి సినిమాలు ఫాస్ట్ గా చేయాలని చరణ్ డిసైడ్ అయ్యారట. గేమ్ చేంజర్ షూటింగ్ మే నెలలోపు కంప్లీట్ కాబోతున్నట్లు సమాచారం. ఆ తరువాత ఒకేసారి ఒకపక్క బుచ్చిబాబు సినిమా చేస్తూనే మరోపక్క సుకుమార్ ప్రాజెక్టు మొదలుపెట్టి వచ్చే ఏడాది ఫస్ట్ ఆఫ్ లోనే ఈ రెండు పూర్తయ్యేలా చరణ్ ప్లానింగ్ చేసినట్లు సమాచారం. ఏది ఏమైనా ఈ సారి నుండి గ్యాప్ రాకూడదని చరణ్ ఫిక్స్ అయ్యారట.
Getup Srinu: పవన్ కి సపోర్ట్ చేస్తున్నారు.. మీకు ఇబ్బంది ఉండదా?.. యాంకర్ ప్రశ్నకి గెటప్ శ్రీను దిమ్మ తిరిగే సమాధానం ..!