ఫ్యాన్సీ ధ‌ర‌కు సైరా శాటిలైట్ హ‌క్కులు

విడుద‌ల‌కు ముందే `సైరా న‌ర‌సింహారెడ్డి`గా మెగాస్టార్ చిరంజీవి స‌రికొత్త రికార్డుల‌ను క్రియేట్ చేస్తున్నాడు. అక్టోబ‌ర్ 2న తెలుగు, హిందీ, త‌మిళ‌, క‌న్న‌డ‌, మ‌లయాళ భాష‌ల్లో సినిమా భారీ ఎత్తున విడుద‌ల‌వుతుంది. తాజా స‌మాచారం ప్ర‌కారం ఈ సినిమా శాటిలైట్ హ‌క్కుల‌ను ప్ర‌ముఖ జీ నెట్‌వ‌ర్క్ రూ.125కోట్ల‌కు చేజిక్కించుకుంద‌ని స‌మాచారం. సెప్టెంబ‌ర్ 18 సాయంత్రం 5 గంట‌ల 31 నిమిషాల‌కు సినిమా ట్రైల‌ర్ విడుద‌ల‌వుతుంది. భారీ అంచ‌నాల‌తో రూపొందుతోన్న ఈ చిత్రంలో ఉయ్యాల‌వాడ న‌ర‌సింహారెడ్డిగా మెగాస్టార్ చిరంజీవి న‌టించ‌గా ప్ర‌ధాన పాత్ర‌ల్లో బాలీవుడ్ సూప‌ర్‌స్టార్ అమితాబ్‌, విజ‌య్‌సేతుప‌తి, కిచ్చా సుదీప్‌, న‌య‌న‌తార‌, అనుష్క‌, త‌మ‌న్నా, జ‌గ‌ప‌తిబాబు త‌దిత‌రులు న‌టిస్తున్నారు. సురేంద‌ర్ రెడ్డి ద‌ర్శ‌క‌త్వంలో రామ్‌చ‌ర‌ణ్ ఈ చిత్రాన్ని నిర్మిస్తున్నాడు.