యంగ్ రెబ‌ల్ స్టార్ ప్ర‌భాస్ ఇప్పుడు త‌న త‌దుప‌రి సినిమా `జాన్‌`పై దృష్టిని పెట్టాడు. ఇది ప్ర‌భాస్ న‌టిస్తోన్న 20వ చిత్రం. `జిల్‌` ద‌ర్శ‌కుడు రాధాకృష్ణ ఈ చిత్రాన్ని తెరకెక్కిస్తున్నాడు. ఇప్ప‌టికే ఓ షెడ్యూల్ చిత్రీక‌ర‌ణ పూర్త‌య్యింది. కొత్త షెడ్యూల్ న‌వంబ‌ర్ 19 నుండి ప్రారంభం కానుంది. ఈ షెడ్యూల్ కోసం యూర‌ప్ త‌ర‌హా సెట్‌ను ఆర్ట్ డైరెక్టర్ ర‌వీంద‌ర్ సిద్ధం చేశాడ‌ట. కీలక స‌న్నివేశాల‌ను అందులో చిత్రీక‌రించ‌బోతున్నారట. 1980 బ్యాక్ డ్రాప్‌లో రూపొందుతోన్న ఈ సినిమాలో ప్ర‌భాస్ హ‌స్త సాముద్రిక తెలిసిన వ్య‌క్తిగా క‌నిపిస్తాడు. పూజా హెగ్డే హీరోయిన్‌గా న‌టిస్తుంది. తెలుగు, త‌మిళ, హిందీ భాష‌ల్లో సినిమాను విడుద‌ల చేయ‌డానికి ప్లాన్ చేస్తున్నారు.