టాలీవుడ్ లో ప్రస్తుతం జరుగుతున్న వివాదం గురించి అందరికీ తెలిసిందే. ఇప్పటికే బాలకృష్ణ…. చిరంజీవి మరియు మంత్రి తలసాని తదితరుల మీటింగ్ విషయంలో స్పందించి కొన్ని సంచలనమైన ఆరోపణలు చేసిన విషయం తెలిసిందే. అయితే ఈ గొడవల వెనుక పాపులర్ నిర్మాత సి.కళ్యాణ్ పేరు ఎక్కువగా వినిపిస్తోంది. ఆయన వైఖరి కారణంగానే ఇండస్ట్రీ మొత్తం ఏకతాటి పైకి రాకపోగా విభేదాలు పెరుగుతున్నాయనే అభిప్రాయం ఇండస్ట్రీ వర్గాల్లో బలంగా వినిపిస్తోంది. అసలు ఇటీవల ఇండస్ట్రీలో విభేదాలు జరిగిన ప్రతిసారి ఆయన పేరు ఎందుకు వినిపిస్తుంది?
వివరాల్లోకి వెళితే బాలయ్య మరియు నాగబాబు మధ్య మాటల యుద్ధం అయిపోయింది. ఇకపోతే తలసాని తో మెగాస్టార్ ఇంట్లో సమావేశం జరిగిన అనంతరం ఆంధ్ర ముఖ్యమంత్రి జగన్ కు ధన్యవాదాలు తెలుపుతూ ఒక లెటర్ రాద్దాం అనే ఆలోచన ఇండస్ట్రీ వారికి వచ్చింది. ఆంధ్ర లో సినిమా షూటింగ్ లు నిర్వహించుకునేందుకు రాష్ట్ర ప్రభుత్వ స్థలాలు అన్నీ ఉచితం అని…. ఒక్క రూపాయి కూడా తీసుకోమని జగన్ ప్రకటించిన అనంతరం ఆయనకు ధన్యవాదాలు తెలుపుతూ ఒక లేఖ రాద్దామని అంతా అనుకున్నారు. అయితే అదే సమయంలో “అక్కడికి వెళ్లి షూటింగ్ ఎవరు చేస్తారు? రూపాయికి పది రూపాయలు ఖర్చు అవుతుందని కళ్యాణ్ కామెంట్లు చేసినట్లు తెలుస్తోంది.”
ఈ విషయం కాస్తా వైసిపి పార్టీ నేతల దృష్టికి వెళ్లినట్లు సమాచారం. వైకాపాలో కీలక నేత వైవి సుబ్బారెడ్డి దృష్టికి ఈ విషయం వెళ్లగా రేపు 9వ తేదీన ముఖ్యమంత్రి జగన్ తో అపాయింట్మెంట్ కుదుర్చుకున్న మన టాలీవుడ్ జనాల తో ఈ విషయం గురించి ప్రస్తావన వైసీపీ వారు తెచ్చేందుకు ఆస్కారం ఉంది. ఇదిలా ఉండగా ఇరవై మంది వరకు రమ్మని మని చెప్పారు. థియేటర్, డిస్ట్రిబ్యూటర్, ప్రొడ్యూసర్, స్టూడియో సెక్టార్ల నుంచి ఇద్దరేసి, మా నుంచి ఇద్దరు, 24 క్రాఫ్ట్స్ బాడీ నుంచి ఇద్దరు, చాంబర్ నుంచి ఇద్దరు, వీరు కాక చిరంజీవి, నాగార్జున, మోహన్ బాబు, ఆదిశేషగిరిరావు, విజయచందర్ ఇలా కొందరిని ఎంపిక చేసారు. అలాగే బాలయ్య ను కూడా. బాలయ్య రావాలంటే మెగాస్టార్ పిలవాలి.
అయితే అత్యుత్సాహంతో బాలయ్యను ఈ లోపలే సి.కల్యాణ్ పిలిచేయడం…. ఆయన తన బర్త్ డే పనుల వల్ల రాలేనని చెప్పడం చకా చకా జరిగిపోయాయి. దీంతో మెగాస్టార్ లేదా ఇతర ప్రముఖులకు బాలయ్యను స్వయంగా పిలిచి కన్విన్స్ చేసి నచ్చజెప్పే చేసే అవకాశం లేకుండా పోయింది. పైగా బలయ్యా రనన్నారు అన్న విషయం మీడియా ముందు మన కళ్యాణ్ గారు ముందే విప్పేశారాయె. దీంతో బాలయ్య వచ్చేందుకు దారులన్నీ మూసుకుపోయాయి. ఇలా అనేక సార్లు సి.కల్యాణ్ ప్రవర్తన ఇండస్ట్రీ ని ఇబ్బంది పెడుతుంటే ఇదంతా కావాలనే జరుగుతుందా లేక యాదృచ్చికమా అన్న విషయం ఎవరికీ అర్థం కావడం లేదు.