NewsOrbit
ఆంధ్ర‌ప్ర‌దేశ్‌ న్యూస్ బిగ్ స్టోరీ

YSRCP: ప్రత్యర్ధులకు అందని జగన్ వ్యూహం .. ఎంపీ ఆర్ఆర్ఆర్ కు ప్రత్యర్ధిగా మహిళా అడ్వకేట్ ఉమాబాల .. ఎవరీ ఉమాబాల..?

YSRCP: వైసీపీ అధినేత, సీఎం వైఎస్ జగన్మోహనరెడ్డి అభ్యర్ధుల ఎంపికలో అనుసరిస్తున్న వ్యూహాలు ప్రత్యర్ధులకు అంతుబట్టడం లేదు. రాబోయే ఎన్నికల్లో గెలుపే లక్ష్యంగా అభ్యర్ధుల ఎంపికపై కసరత్తు కొనసాగిస్తున్నారు. గెలుపు అవకాశాలు లేని నేతలను నిర్మోహమాటంగా పక్కన పెట్టేస్తున్నారు. ఎవరూ ఊహించని వారు ఎమ్మెల్యే, ఎంపీ అభ్యర్ధులు అవుతున్నారు. తాజాగా వైసీపీ ప్రకటించిన జాబితాలో ఆ పార్టీకి బద్ద శత్రువుగా మారిన నర్సాపురం ఎంపీ రఘురామ కృష్ణంరాజుకు ప్రత్యర్ధిగా ఓ మహిళా అడ్వకేట్ ను ఫిక్స్ చేశారు సీఎం వైఎస్ జగన్.

గత ఎన్నికల్లో వైసీపీ నుండి ఎంపీగా గెలిచిన రఘురామ కృష్ణం రాజు  కొద్ది రోజులకే ఆ పార్టీకి వ్యతిరేకంగా మారారు. ప్రభుత్వాన్ని, సీఎం జగన్మోహనరెడ్డి విధానాలను నిత్యం విమర్శిస్తూ, ఆరోపణలు చేస్తూ కొరకరాని కొయ్యగా మారారు. ఆయన లోక్ సభ సభ్యత్వం రద్దు చేయించేందుకు పార్టీ చేసిన ప్రయత్నాలు విఫలమైయ్యాయి. ఆ క్రమంలో రాబోయే ఎన్నికల్లో రఘురామ కృష్ణంరాజును ఎట్టిపరిస్థితుల్లో ఓడించాలని, లోక్ సభలో మళ్లీ అడుగు పెట్టకుండా చేసేందుకు ధీటైన అభ్యర్ధిని వైసీపీ రంగంలోకి దింపుతారని ప్రచారం జరిగింది.

జీవీకే రాజు ఆసక్తి చూపకపోవడంతో …

ఆ క్రమంలో దివంగత మాజీ ఎంపీ కృష్ణంరాజు సతీమణిని రఘురామ కృష్ణంరాజుకు ప్రత్యర్ధిగా రంగంలోకి దింపేందుకు వైసీపీ పావులు కదుపుతోందని ప్రచారం జరిగింది. నరసాపురం లోక్ సభ స్థానం నుండి క్షత్రియ సామాజిక వర్గానికి చెందిన వారే ఎక్కువగా ఎన్నిక అవుతూ వచ్చారు. ఆ క్రమంలో తొలుత మాజీ ఎంపీ గోకరాజు గంగరాజు తనయుడు జీవీకే రంగరాజును వైసీపీ లోక్ సభ సమన్వయకర్తగా నియమించింది. అయితే ఆయన పోటీకి సముఖంగా లేకపోవడంతో జగన్మోహనరెడ్డి ఈ నియోజకవర్గంలో కొత్త ప్రయోగాన్ని చేశారు. వాస్తవానికి నరసాపురం పార్లమెంట్ పరిధిలో క్షత్రియ, కాపు(శెట్టి బలిజ) సామాజిక ఓటింగ్ అభ్యర్ధుల గెలుపు ఓటములను ప్రభావితం చేస్తుంటుంది.

కాపు సామాజికవర్గ ఓటింగ్ బలంగా ఉన్నా …

1984 నుండి ఇప్పటి వరకూ జరిగిన పది ఎన్నికల్లో రెండు సార్లు మాత్రమే క్షత్రియేతర అభ్యర్ధులు గెలిచారు. 1996లో టీడీపీ అభ్యర్ధిగా కొత్తపల్లి సుబ్బారాయుడు, 2004లో కాంగ్రెస్ పార్టీ తరపున చేగొండి హరిరామ జోగయ్యలు విజయం సాధించారు. మిగతా ఎనిమిది సార్లు క్షత్రియ సామాజిక వర్గ నేతలే విజయం సాధిస్తూ వచ్చారు. గతంలో ప్రజారాజ్యం పార్టీ పెట్టినప్పుడు శెట్టి బలిజ సామాజికవర్గానికి చెందిన మాజీ మంత్రి పితాని సత్యనారాయణ బావ గుబ్బల తమ్మయ్యను నరసాపురం లోక్ సభ అభ్యర్ధిగా పోటీ చేయించగా 2 లక్షల 67వేలు ఓట్లు వచ్చాయి. త్రిముఖ పోటీలో టీడీపీ అభ్యర్ధి తోట సీతారామ లక్ష్మి పై నాటి కాంగ్రెస్ అభ్యర్ధి కనుమూరి బాపిరాజు లక్షా 14వేల మెజార్టీతో గెలిచారు.

గత ఎన్నికల్లో జనసేన పార్టీ నుండి కొణిదెల నాగేంద్ర బాబు పోటీ చేయగా రెండున్నర లక్షల ఓట్లు సాధించి మూడో స్థానంలో నిలిచారు. టీడీపీ అభ్యర్ధి శివరామ రాజు పై కేవలం 31వేల ఓట్ల మెజార్టీతో వైసీపీ అభ్యర్ధిగా రఘురామ కృష్ణంరాజు గెలిచారు. రాబోయే ఎన్నికల్లో జనసేన – టీడీపీ ఉమ్మడి అభ్యర్ధిగా రఘురామ కృష్ణంరాజు (ఆర్ఆర్ఆర్) పోటీ చేస్తున్న నేపథ్యంలో పూర్తిగా సోషల్ ఇంజనీరింగ్ పాటిస్తూ జగన్ మొదటి సారి శెట్టిబలిజ సామాజిక వర్గ మహిళా అడ్వకేట్ గూడూరి ఉమాబాలను అభ్యర్ధిగా ప్రకటించారు.

YSRCP

ఉమాబాల రాజకీయ నేపథ్యం

దీంతో ఆర్ధికంగా, సామాజికంగా బలవంతుడైన ఎంపీ రఘురామకృష్ణంరాజుకు గూడురు ఉమాబాల సరైన ప్రత్యర్ధి అవుతుందా..?ఇంతకు ఆమె ఎవరు..? ఆమె బ్యాక్ గ్రౌండ్ ఏమిటి ? అనే సందేహాలు అందరిలో వస్తున్నాయి. వాస్తవానికి ఉమాబాల అంత ఆర్ధిక స్థితిమంతురాలు అయితే కాదు కానీ.. సుమారు మూడు దశాబ్దాలుగా క్రియాశీల రాజకీయాల్లో ఉన్నారు. భీమవరంకు చెందిన ఉమాబాల న్యాయవాద  విద్యలో గోల్డ్ మెడల్ సాధించారు. న్యాయవాదిగా ఉంటూనే 1995 నుండి భీమవరం మున్సిపల్ రాజకీయాల్లో కీలకంగా ఉంటూ కౌన్సిలర్ గా ఎన్నికైయ్యారు. 2001లో మున్సిపల్ చైర్మన్ అభ్యర్ధిగా పోటీ చేశారు.

అంతకు ముందు కాంగ్రెస్ పార్టీలో జిల్లా మహిళా విభాగం ప్రధాన కార్యదర్శిగా, జిల్లా యూత్ కాంగ్రెస్ ప్రధాన కార్యదర్శిగా, డీసీసీ ప్రధాన కార్యదర్శిగా, ఐఎన్టీయూసీ మహిళా విభాగం జిల్లా కన్వీనర్ గా, రాష్ట్ర మహిళా విభాగం కార్యదర్శిగా, ద్వారకా తిరుమల దేవస్థానం పాలకమండలి సభ్యురాలిగా పని చేశారు. ప్రస్తుతం వైసీపీ జిల్లా మహిళా విభాగం అధ్యక్షురాలిగా ఉన్నారు. జిల్లాలో బీసీ మహిళా నేతగా మంచి గుర్తింపుతో పాటు పార్టీ రాజకీయాల్లో చురుగ్గా పని చేస్తున్నారనే పేరు ఉంది. అయితే అనూహ్యంగా ఉమాబాలకు లోక్ సభ సీటు కేటాయించడంపై వైసీపీ వర్గాల్లోనే భిన్నాభిప్రాయాలు వ్యక్తం అవుతున్నాయి. ఆమె టీడీపీ – జనసేన కూటమి అభ్యర్ధికి ఎంత వరకు పోటీ ఇస్తుందన్న సందేహాలు అనేక మంది వ్యక్తం చేస్తున్నారు. అయితే సీఎం జగన్మోహనరెడ్డి లెక్క వేరుగా ఉంది. ప్రభుత్వ సంక్షేమ పథకాల లబ్దిదారుల కుటుంబాలే వైసీపీ గెలుపునకు దోహదపడతారని భావిస్తున్నారు.

BRS: బీఆర్ఎస్ కు బిగ్ షాక్ .. సీనియర్ నేత తాటికొండ రాజయ్య రాజీనామా

author avatar
sharma somaraju Content Editor
శర్మ ఎస్ సోమరాజు న్యూస్ ఆర్బిట్ లో డిజిటల్ కంటెంట్ ప్రొడ్యూసర్ గా పని చేస్తున్నారు. ఇక్కడ ఏపీ, తెలంగాణ జాతీయ సంబంధిత తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 30 సంవత్సరాలకుపైగా అనుభవం ఉంది. గతంలో ప్రముఖ మీడియా సంస్థలు ఈనాడు, ఆంధ్రభూమి, ఆంధ్రజ్యోతి, ఆంధ్రప్రభ ప్రింట్ మీడియాలో పని చేశారు. 2018 నుండి న్యూస్ ఆర్బిట్ లో పని చేస్తున్నారు.

Related posts

టాలీవుడ్ డైరెక్ట‌ర్ వీఎన్‌. ఆదిత్య‌కు అమెరికా జార్జ్ వాషింగ్ట‌న్ వ‌ర్సిటీ గౌర‌వ డాక్ట‌రేట్‌..!

Saranya Koduri

చంద్ర‌బాబు ఎత్తు.. ప‌వ‌న్ చిత్తు చిత్తు… మిగిలిన 19 సీట్ల‌లో టీడీపీ వాళ్ల‌కే జ‌న‌సేన టిక్కెట్లు…!

వాట్సాప్ గ్రూపుల నుంచి జ‌న‌సైనికుల లెఫ్ట్‌… 24 సీట్లు ముష్టి అంటూ బాబుపై ఆగ్ర‌హం..!

టీడీపీలో చిత్తుగా ఓడిపోయే ముగ్గురు మ‌హిళా క్యాండెట్లు వీళ్లే…!

జ‌న‌సేన‌కు ఆ ముగ్గురు లీడ‌ర్లే స్టార్ క్యాంపెన‌ర్లు… !

వైసీపీ మంత్రికి టీడీపీ ఎమ్మెల్యే టిక్కెట్‌… ఎవ‌రా మంత్రి.. ఆ సీటు ఎక్క‌డంటే…!

ఫ‌స్ట్ లిస్ట్‌లో టీడీపీలో మ‌హామ‌హుల టిక్కెట్లు గ‌ల్లంతు.. పెద్ద త‌ల‌కాయ‌ల‌ను ప‌క్క‌న పెట్టేసిన బాబు..!

BSV Newsorbit Politics Desk

టీడీపీ ఎమ్మెల్యే కూతురుకు జ‌న‌సేన ఎమ్మెల్యే టిక్కెట్‌.. ఇదెక్క‌డి ట్విస్ట్ రా సామీ..!

టీడీపీ తొలి జాబితాలో ఏ క్యాస్ట్‌కు ఎన్ని సీట్లు అంటే… వాళ్ల‌కు అన్యాయం చేసిన బ‌బు…!

Skin: సెవెన్ డేస్ స్కిన్ గ్లో చాలెంజ్.. పక్కా సక్సెస్..!

Saranya Koduri

Mahesh Babu: మహేష్ పై కన్నేసిన బందర్ నాని.. అరే ఏంట్రా ఇదీ..!

Saranya Koduri

Big breaking: హైదరాబాద్లో ఓ టీవీ యాంకర్ ని కిడ్నాప్ చేసిన యువతి… పెళ్లి కోసం ఇంత పని చేసిన డిజిటల్ మార్కెటింగ్ కంపెనీ యజమాని!

Saranya Koduri

India: మన దేశంలో టాప్ 5 సురక్షితమైన కార్స్ ఇవే.. ఈ కార్స్ లో ప్రయాణిస్తే ప్రమాదానికి నో ఛాన్స్..!

Saranya Koduri

TDP Janasena: టీడీపీ – జనసేన ఉమ్మడి తొలి జాబితా విడుదల ..99 స్థానాల అభ్యర్ధులు వీరే

sharma somaraju

YSRCP: ఎట్టకేలకు వైసీపీకి ఆ కీలక ఎంపీ రాజీనామా

sharma somaraju