Don: కోలీవుడ్ యంగ్ అండ్ టాలెంటెడ్ హీరో శివ కార్తికేయన్ వరుస హిట్లతో దూసుకుపోతున్న సంగతి తెలిసిందే. ఆయన నుంచి తాజాగా వచ్చిన చిత్రమే `డాన్`. శిబి చక్రవర్తి దర్శకత్వం వహించిన ఈ చిత్రంలో ప్రియాంక అరుల్ మోహన్ హీరోయిన్గా నటించగా.. ఎస్.జె. సూర్య, సముద్రఖని, సూరి తదితరులు కీలక పాత్రలను పోషించారు.
అల్లిరాజా సుభాస్కరన్, శివకార్తికేయన్ కలిసి నిర్మించిన ఈ చిత్రం మే 13న తమిళంతో పాటు తెలుగులోనూ విడుదలై మంచి విజయం సాధించింది. మేకర్స్ ప్రచార కార్యక్రమాలను పెద్దగా నిర్వహించకపోయినా, ఎలాంటి అంచనాలు లేకపోయినా.. ఈ చిత్రం ప్రేక్షకులను విశేషంగా ఆకట్టుకుని బాక్సాఫీస్ వద్ద భారీ కలెక్షన్స్ రాబట్టింది.
- Read the latest news from NEWSORBIT
- Follow us on facebook , Twitter , instagram and Googlenews
విడుదలైన పన్నెండు రోజుల్లోనే 100 కోట్ల క్లబ్లో చేరిన ఈ చిత్రం.. ఇటీవలి కాలంలో బాక్సాఫీస్ వద్ద భారీ కలెక్షన్స్ రాబట్టిన చిన్న సినిమాల్లో ఒకటిగా నిలిచింది. ఇకపోతే ఈ హిట్ మూవీ ఓటీటీలోకి వచ్చేందుకు సిద్ధం అవుతోంది. ప్రముఖ ఓటీటీ దిగ్గజం నెట్ ఫ్లిక్స్ డాన్ డిజిటల్ స్ట్రీమింగ్ హక్కులను సాలిడ్ ధరకు సొంతం చేసుకుంది.
థియేట్రికల్ రన్ ముగింపు చేరుకోవడంతో.. ఈ చిత్రానికి ఓటీటీలోకి దించేందుకు నెట్ ఫ్లిక్స్ వారు రెడీ అవుతున్నారు. ఈ నేపథ్యంలోనే డాన్ చిత్రాన్ని జూన్ 10వ తేదీ నుంచి స్ట్రీమింగ్ చేసేందుకు డేట్ లాక్ చేసి అధికారికంగా కూడా ప్రకటించారు. దీంతో థియేటర్లో ఈ సినిమాను మిస్ అయిన వారు ఓటీటీలో వీక్షించేందుకు ఫుల్ ఎగ్జైట్ అవుతున్నారు.
Mogalirekulu: నీకెంతా బలుపు రా?.. మొగలిరేకులు ఫేమ్ ఆర్కే నాయుడు పై సీనియర్ నటి ఫైర్..!