Pawan kalyan: రాజకీయాలలో బిజీగా గడుపుతున్న పవన్ కళ్యాణ్ కొంతకాలం పాటు సినిమాలకు దూరంగా ఉన్నారు. కొంత విరామం తరువాత పవన్ కళ్యాణ్ ప్రస్తుతం వరుస సినిమాలతో ఎంత బిజీగా ఉన్నారు. ఇప్పటికే వకీల్ సాబ్ చిత్రనిర్మాణం పూర్తి చేసుకుని ప్రేక్షకుల ముందుకు రావడానికి సిద్ధంగా ఉంది.దీని తర్వాత పవన్, క్రిష్ కాంబినేషన్లో ఓ సినిమా చేయాల్సి ఉండగా కొన్ని కారణాల వల్ల ఆ సినిమా కొన్ని రోజుల పాటు వాయిదా పడింది. అంతేకాకుండా పవన్ కళ్యాణ్ హరీష్ శంకర్ దర్శకత్వంలో ఓ సినిమా చేయడానికి కూడా సంతకం చేశారు.
తాజాగా పవన్ కళ్యాణ్ వకీల్ సబ్ చిత్రాన్ని పూర్తి చేసుకున్న తర్వాత, పవన్, రానా కీలక పాత్రలో నటిస్తూ ఓ మల్టీ స్టారర్ చిత్రంలో నటించనున్నారు. మాళయాళంలో సూపర్‌ హిట్టైన ‘అయ్యప్పనుమ్‌ కోషియమ్‌’ అనే సినిమాను దర్శకుడు సాగర్‌ కే చంద్ర దర్శకత్వంలో ఈ చిత్రం తెరకెక్కనుంది. అయితే సోమవారం ఈ చిత్ర నిర్మాణం హైదరాబాద్ లో ఓ అల్యూమినియం ఫ్యాక్టరీలో ప్రారంభించగా ఈ చిత్ర నిర్మాణంలో పవన్ కళ్యాణ్ పాల్గొన్నారు.
ఇదిలా ఉండగా తాజాగా పవన్ కళ్యాణ్ ఈ సినిమాలన్నింటిలో నటించడానికి ఒప్పుకోవడమే కాకుండా మరొక సినిమాకి కూడా ఓకే చెప్పారు. రవితేజతో ‘ఖిలాడీ’ సినిమాను తెరకెక్కిస్తున్న దర్శకుడు రమేష్ వర్మ తాజాగా పవన్ కళ్యాణ్ కోసం ఓ కథను సిద్ధం చేసినట్లు తెలిపారు. ఈ కథ కూడా పవన్ కళ్యాణ్ కు నచ్చడంతో సినిమా చేయడానికి పవన్ ఓకే చెప్పారని తెలుస్తోంది. దీంతో ప్రస్తుతం ఉన్న పవన్ షెడ్యూల్ గ్యాప్ లోనే దాదాపు ఏడు సినిమాలు పవన్ చేతిలో ఉన్నాయి.ఈ విధంగా క్షణం తీరిక లేకుండా ఎంతో బిజీగా ఉన్న పవన్ కళ్యాణ్ సినిమాలు వరుసగా థియేటర్లలో విడుదలయ్యి ప్రేక్షకులను సందడి చేస్తాయని చెప్పవచ్చు.
Siri Hanumanthu: సిరి కి ఆఫర్లు కోసం అటువంటి పనులు చేసేది.. బుల్లితెర నటుడు నూకరాజు ఇంట్రెస్టింగ్ కామెంట్స్..!