Salaar: యంగ్ రెబల్ స్టార్ ప్రభాస్ “సలార్” సినిమాతో బ్లాక్ బస్టర్ విజయం అందుకోవటం తెలిసిందే. దాదాపు 5 సంవత్సరాల తర్వాత ప్రభాస్ కి హిట్ పడటంతో “సలార్” థియేటర్లు హౌస్ ఫుల్ కలెక్షన్లతో నిండిపోతున్నాయి. దీంతో ఇండియాలో ఏ హీరో అందుకొని రికార్డ్ స్థాయి కలెక్షన్లలో అరుదైన రికార్డు సలార్ సినిమాతో ప్రభాస్ అందుకున్నారు. మేటర్ లోకి వెళ్తే ఇండియాలో రిలీజ్ అయిన తొలిరోజే నాలుగు సినిమాలతో ₹100 కోట్ల రూపాయలు కలెక్షన్స్ సాధించిన హీరోగా ప్రభాస్ ఫస్ట్ ప్లేస్ లో నిలిచాడు. ప్రభాస్ నటించిన బాహుబలి 2, సాహో, ఆది పురుష్, సలార్ సినిమాలతో తొలి రోజే వందకోట్ల కలెక్షన్స్ అందుకోవడం జరిగింది.
ఇండియాలో 178 కోట్ల రూపాయలకు పైగా రికార్డు స్థాయి కలెక్షన్స్ “సలార్” సాధించింది. దీంతో ఈ ఏడాదిలో మొదటి రోజే రికార్డు స్థాయి కలెక్షన్స్ లో “సలార్” సినిమాయే ఫస్ట్ ప్లేస్ లో నిలిచింది. ఇదిలా ఉంటే మొదటి రోజు 100 కోట్లు కలెక్ట్ చేసిన హీరోలలో రెండో స్థానంలో రెండు సినిమాలతో షారుక్ మూడో స్థానంలో యాష్, ఎన్టీఆర్, రామ్ చరణ్, విజయ్, రణబీర్ కపూర్ ఒక్కో సినిమాలతో నిలిచారు. “సలార్” అంచనాలకు తగ్గట్టు సినిమా ఉండటంతో .. విడుదలైన ఐదు భాషలలో మొదటి రోజే పాజిటివ్ టాక్ సొంతం చేసుకోంది. పైగా ప్రమోషన్ కార్యక్రమాలు పెద్దగా చేయకపోయినా గాని.. సినిమాకి మంచి రెస్పాన్స్ రావడం జరిగింది.
“సలార్” సినిమాలో ప్రభాస్ నీ.. రాజమౌళి చూపించిన దాని కంటే డబల్ త్రిబుల్ గా మాస్ గా దర్శకుడు చూపించిన విధానం చాలా బాగుందని మెచ్చుకుంటున్నారు. స్టోరీ ఆ పాత్రకి తగ్గ బాడీ.. తో ప్రభాస్ బాగా ఆకట్టుకున్నట్లు ఫ్యాన్స్ చెబుతున్నారు. డైరెక్టర్ ప్రశాంత్ నీల్ KGF సినిమాల కంటే ఈ సినిమాని బాగా తీశాడని సినీ ప్రేక్షకులు వ్యాఖ్యానిస్తున్నారు. ఓవరాల్ కలెక్షన్స్ పరంగా కచ్చితంగా ₹1000 కోట్లకు పైగానే సలార్ కలెక్షన్స్ సాధిస్తుందని ట్రేడ్ వర్గాలు భావిస్తున్నాయి.
Geetu royal: 5 నెలలుగా నరకం అనుభవిస్తున్న గీతు రాయల్.. కారణం ఇదే..!