Pushpa 2: కొత్త సంవత్సరం ప్రారంభం కావడంతో ఈ ఏడాది విడుదల కాబోయే కొత్త సినిమాల అప్డేట్స్ విడుదల చేస్తూ విషెస్ తెలియజేస్తున్నారు. ఈ రకంగానే “పుష్ప 2″కి సంబంధించి స్పెషల్ పోస్టర్ రిలీజ్ చేయడం జరిగింది. నూతన సంవత్సర శుభాకాంక్షలు తెలియజేస్తూ #2024RulePushpaKa హ్యాష్ ట్యాగ్ విడుదల చేయడం జరిగింది. పుష్ప రాజ్ ఈ సంవత్సరం రాబోతున్నాడు ప్రపంచ బాక్సాఫీస్ మీద దండయాత్ర చేయబోతున్నాడు. మీరు కూడా ఈ ఏడాదిని ఏ ఆశయం సంకల్పంతో కోరుకుంటున్నారా వాటన్నిటిని జయించాలని కోరుతూ నూతన సంవత్సర శుభాకాంక్షలు అని సోషల్ మీడియాలో “పుష్ప 2” మేకర్స్ మైత్రి మూవీ మేకర్స్ నిర్మాణ సంస్థ పోస్ట్ చేసింది. 2021 డిసెంబర్ నెలలో “పుష్ప” మొదటి భాగం విడుదలయ్యింది.
సుకుమార్ దర్శకత్వంలో బన్నీ నటించిన ఈ చిత్రం పాన్ ఇండియా నేపథ్యంలో రిలీజ్ అయ్యి ప్రపంచ స్థాయిలో విజయం సాధించింది. “పుష్ప” సినిమాలో పాటలు డైలాగ్స్, డాన్స్, ఫైట్స్ అన్ని కూడా అన్ని వర్గాల ప్రేక్షకులను ఎంటర్టైన్ చేయడం జరిగింది. ముఖ్యంగా “తగ్గేదేలే…” డైలాగ్ ప్రపంచవ్యాప్తంగా చాలా హైలెట్ అయింది. ఈ సినిమాకి గాను అల్లు అర్జున్ కి జాతీయ వద్ద ఉన్నటువంటి అవార్డు కూడా రావడం జరిగింది. సినిమాలో అల్లు అర్జున్ మేనరిజమ్స్..కూడా ఎంతగానో ఆకట్టుకున్నాయి. “పుష్ప” సినిమాలో డైలాగులు మేనరిజమ్స్ చేస్తూ చాలామంది ప్రపంచ స్థాయి ఆటగాళ్లు రాజకీయ నాయకులు సోషల్ మీడియాలో వీడియోలు చేయడం జరిగింది. ఈ రకంగా ఆస్ట్రేలియా క్రికెటర్ డేవిడ్ వార్నర్ వీడియోలు ఎక్కువ వైరల్ అయ్యాయి.
ప్రస్తుతం “పుష్ప” సెకండ్ పార్ట్ సినిమా షూటింగ్ శరవేగంగా జరుగుతోంది. ఈ ఏడాది ఆగస్టు 15వ తారీకు సినిమా రిలీజ్ కాబోతోంది. ఈ క్రమంలో నేడు న్యూ ఇయర్ సందర్భంగా స్పెషల్ పోస్టర్ విడుదల చేసి అందరికీ నూతన సంవత్సర శుభాకాంక్షలు తెలియజేశారు. కాగా పుష్ప ఫస్ట్ పార్ట్ విడుదలైన దానికంటే మరిన్ని ఎక్కువ భాషలలో రెండో భాగం విడుదల చేయబోతున్నారు. ఈ క్రమంలో డైరెక్టర్ సుకుమార్ “పుష్ప 2” చాలా ప్రతిష్టాత్మకంగా తీసుకుని చిత్రీకరిస్తున్నారు.