Allu Arjun: ఐకాన్ స్టార్ అల్లు అర్జున్ “పుష్ప” సినిమా విడుదలయ్యి రెండు సంవత్సరాలు కావొచ్చింది. 2021 డిసెంబర్ నెలలో విడుదలైన “పుష్ప” తర్వాత రెండు సంవత్సరాలు బన్నీ నుండి ఎలాంటి సినిమాలు రాలేదు. కానీ “పుష్ప” ప్రభావం ఇప్పటికీ ఉంది. పాన్ ఇండియా నేపథ్యంలో విడుదలైన ఈ సినిమా అన్నిచోట్ల సూపర్ డూపర్ హిట్ అయింది. ఈ సినిమాతో అల్లు అర్జున్ గ్లోబల్ హీరో అయిపోయాడు. ప్రపంచంలో చాలామంది సెలబ్రిటీలు రాజకీయ నాయకులు “పుష్ప” డైలాగులు బహిరంగంగా చెబుతూ చాలా వైరల్ అయ్యారు. “పుష్ప” సినిమాకి గాను 2023 ఏడాదిలో జాతీయ ఉత్తమ నటుడు అవార్డు కూడా అందుకోవడం జరిగింది. ఇప్పటివరకు ఈ అవార్డు టాలీవుడ్ ఇండస్ట్రీలో ఎవరికి రాలేదు మొదటిసారి బన్నీ గెలవడం చరిత్ర సృష్టించినట్లు అయింది.
2023 ఏడాది గణతంత్ర దినోత్సవ వేడుకల సమయంలో భారత్ ఆర్మీ చేత గౌరవ వందనం కూడా స్వీకరించడం జరిగింది. ఈ క్రమంలో 2023 ఏడాది గురించి అల్లు అర్జున్ సోషల్ మీడియాలో సంచలన పోస్ట్ పెట్టారు. 2023 నిజంగా తనకు ఎంతో అద్భుతమైన ఏడాది అని అభివర్ణించారు. గత ఏడాది తన జీవిత ప్రయాణంలో భాగమైన ప్రతి ఒక్కరికి ఈ సందర్భంగా బన్నీ ధన్యవాదాలు తెలియజేయడం జరిగింది. ఎంతో కృతజ్ఞతతో 2023 కు వీడ్కోలు పలుకుతున్నట్లు స్పష్టం చేశారు. కొత్త ఏడాది సందర్భంగా తన అభిమానులకు శ్రేయోభిలాషులకు అందరికీ శుభాకాంక్షలు అని అన్నారు. 2023 ఏడాది.. చాలా విలువైన పాటలను నేర్చుకున్న. అందరికీ నూతన సంవత్సర శుభాకాంక్షలు హ్యాపీ న్యూ ఇయర్ 2024.. అని తెలియజేయడం జరిగింది.
ప్రస్తుతం “పుష్ప 2” షూటింగ్ లో బిజీగా ఉన్నారు. ఈ సినిమా షూటింగ్ శరవేగంగా జరుగుతోంది. ఈ ఏడాది ఆగస్టు 15వ తారీకు సినిమా విడుదల చేస్తున్నట్లు కొన్ని నెలల క్రితం అధికారికంగా ప్రకటించడం జరిగింది. ఆ దిశగానే సినిమా విడుదల చేయడానికి… షూటింగ్ కంప్లీట్ చేయడానికి సన్నాహాలు చేస్తున్నారు. మొదటి భాగం కంటే రెండో భాగం ఎక్కువ భాషల్లో విడుదల చేయబోతున్నారు.