Brahmamudi 24 జూలై 156 ఎపిసోడ్: కావ్య ని రాజ్ తన పుట్టింట్లో విడిచిపెడుతాడు. ఒక్కసారి లోపలకి వచ్చి వెళ్లొచ్చు కదా అని కావ్య అంటుంది, నేను నిన్ను డ్రాప్ చేస్తా అని చెప్పాను , లోపలకు వస్తానని చెప్పలేదు అని అంటాడు రాజ్. అప్పుడు కావ్య ఒక 5 నిమిషాలు వచ్చి వెళ్తే ఏమి అవుతుంది అని అడగగా, ఆఫీస్ లో నాకోసం చాలామంది ఎదురు చూస్తున్నారు, నువ్వు వెళ్ళు అని చెప్పేసి వెళ్తాడు. ఇక లోపలకు ఎంతో సంతోషంగా వెళ్ళగానే కావ్య వచ్చినందుకు అందరూ ఆనందిస్తారు.
కావ్యని చాలా కాలం తర్వాత చూసినందుకు ఎంతో సంతోషించిన కనకం – మూర్తి :
అయితే నేను కష్టపడి నా భర్త కంపెనీ కోసం వేసిన కొన్ని డిజైన్స్ ని చూసి, ఆయన ఎంతో మెచ్చుకొని నాకు డబ్బులు ఇచ్చారు,అవి ఇద్దామని వచ్చాను అని అంటుంది కావ్య. అప్పుడు కనకం నువ్వు ఈ ఇంట్లో ఉన్నప్పుడు నీ కష్టం మీదనే బ్రతికాము, అకెక్కడికి వెళ్లిన తర్వాత కూడా నీ కష్టం మీదనే బ్రతకాలా కావ్యా అని అంటుంది కనకం.
Nuvvu Nenu Prema: విక్కీకి ఐ హేట్ యు అని చెప్పిన పద్మావతి.. కొత్త విలన్ జలజ ఎంట్రీ..
కావ్య ఇచ్చే డబ్బులను తీసుకోడానికి ఇష్టపడని మూర్తి :
కావ్య అలా డబ్బులు ఇవ్వడానికి మరోపక్క మూర్తి ఒప్పుకోడు. మీ అత్తారింటి డబ్బుని నువ్వు మాకు ఇస్తే మేము మిమల్ని దోచేస్తున్నాం అని అనుకుంటారు , దయచేసి వద్దు అమ్మా అని అంటాడు మూర్తి. అప్పుడు కావ్య నేను పరాయి దానిని కాదు కదా నాన్న అని అంటుంది. దానికి మూర్తి సమాధానం ఇస్తూ పరాయి దానివే, ఒక్కసారి ఈ ఇంటి గడప దాటి ఆ ఇంటి మహాలక్ష్మి అయ్యాక, అక్కడి సొమ్ము ఆశించడం కరెక్ట్ కాదు. డబ్బు విషయం లో నువ్వు మాకు పరాయి దానివే అమ్మా అని అంటాడు మూర్తి. అప్పుడు కావ్య ఇది నేను కష్టపడి సంపాదించిన డబ్బు, దీనిని నేను ఇందుకోసం ఖర్చు చెయ్యబోతున్నానో మా ఆయనకీ చెప్పే ప్రయత్నం చేయగా, అది నీ కష్టం, నీ టాలెంట్ నువ్వు ఏమైనా చేసుకోవచ్చు అని అన్నాడు నాన్న, ఆ ఇంట్లో నా సంపాదన నీటి బిందువు లాంటిది. ఆ నీటి బిందువు ఎక్కడికి చేరింది అనే విషయాన్నీ ఎవ్వరూ పట్టించుకోరు. మీ ఆత్మాభిమానం పక్కన పెట్టి ఈ డబ్బుని తీసుకోండి నాన్న అంటుంది. మీ అమ్మకి ఇవ్వు అమ్మా అని అంటాడు మూర్తి.
యాడ్ షూటింగ్ లో పాల్గొన్న స్వప్న :
అప్పుడు కనకం చేతిలో ఏమి దాచిపెట్టావ్ చూపించు అని అడగగా, ఆమె చెవిపోగులు కనిపిస్తాయి. నీకు మిగిలిన ఏకైక చెవిపోగులు అమ్మే దుస్థితి వచ్చిందా ఇంట్లో అని కావ్య అడుగుతుంది. అప్పుడు కనకం అన్నపూర్ణ కి వచ్చిన జబ్బు గురించి చెప్తుంది. ఇక లోపలకు వెళ్లి అన్నపూర్ణ తో మాట్లాడి, నీకు ఆరోగ్యం సరి అయ్యేవరకు నీ ఖర్చు మొత్తం నేనే భరిస్తాను పెద్దమ్మా అని ఆమెతో ప్రేమగా కాసేపు మాట్లాడి , ఇంట్లో అమ్మ చేతి వంట తిని, అలా సంతోషంగా ఆ రోజు మొత్తం గడుపుతుంది కావ్య. మరోపక్క స్వప్న ధాన్య లక్ష్మి ని అవమానించడాన్ని వాడుకొని స్వప్న ని ఇంటి నుండి బయటకి పంపాలని అనుకుంటుంది రుద్రాణి. ఏమి జరిగింది ధాన్య లక్ష్మి అంత డల్ గా ఉన్నావు అని అడగగా, మీ కోడలు పిచ్చి బట్టలు వేసుకున్నందుకు మంచి బట్టలు వేసుకో అని నేను అన్న పాపానికి నన్ను నానా మాటలు అనేసి వెళ్ళింది అని అంటుంది.
అప్పుడు రుద్రాణి నిన్నే అవమానిస్తుందా, ఇంటికి రానివ్వు దాని సంగతి చెప్తా అని ఇంట్లో ఉన్నవాళ్లందరిని పిలిచి గొడవ పెట్టడానికి సిద్ధం గా ఉంటుంది రుద్రాణి. మరో పక్క యాడ్ షూటింగ్ కి హాజరైన స్వప్న ని డైరెక్టర్ కలుస్తాడు, ఆ తర్వాత రాజ్ డైరెక్టర్ కి ఫోన్ చేసి ఈ యాడ్ షూట్ చాలా బోల్డ్ గా ఉండాలి, కుర్రాళ్ళు మెంటలెక్కిపోయేలా చెయ్యాలి, పెద్దవాళ్ళు చూస్తే అసహ్యించుకునేలా ఉండాలి అని అంటాడు. అప్పుడు యాడ్ డైరెక్టర్ నేను చూసుకుంటా, నాకు వదిలేయ్ అని అంటాడు, ఆ తర్వాత ఏమి జరిగింది అనేది రేపటి ఎపిసోడ్ లో చూడాలి.
Manasichi Choodu: మేము పెళ్లి కాకముందే అటువంటి పని చేశాము.. మనసిచ్చి చూడు సీరియల్ ఫేమ్ కీర్తి బోల్డ్ కామెంట్స్..!