Brahmamudi Serial 15 జూలై 149 ఎపిసోడ్ఇంట్లో అమ్మ నాన్నలు ఎన్నో కష్టాలను అనుభవిస్తున్నారు, వాళ్లకు ఆర్థికంగా ఎదో ఒక విధంగా సహాయపడాలని అనుకుంటుంది కావ్య. ఈ క్రమం లోనే ఆమె రాజ్ ఆఫీస్ లో పని చేసే శృతి కి ఫోన్ చేస్తుంది. అప్పుడు ఆమె ఇప్పుడే మీ గురించి అనుకుంటున్నాను మేడం, దేవతలాగా మీరే కాల్ చేసారు అని అంటుంది శృతి. నా గురించి ఎందుకు అనుకుంటున్నావు అని కావ్య అడగగా, పులి రక్తం రుచి చూపించి వదిలినట్టు సార్ కి మీ డిజైన్స్ చూపించారు, అప్పటి నుండి ఆయన నేను చేసే ఏ డిజైన్ ని కూడా నచ్చడం లేదు, అందుకే మీ సహాయం తీసుకునేందుకు కాల్ చేద్దాం అని అనుకుంటూ ఉన్నాను అంటి అంటుంది శృతి. నేను కూడా నా అవసరం కోసమే నీకు కాల్ చేశాను, నువ్వు కావాలనుకున్న డిజైన్స్ ని నేను చేసి ఇస్తాను, కానీ అందుకు మూడు షరత్తులు అని అంటుంది కావ్య.
శృతి కి కండిషన్స్ పెట్టిన కావ్య :
ఏమిటి మేడం అవి చెప్పండి అని శృతి అడగగా, నేను డిజైన్స్ చేస్తునట్టు సార్ కి చేప్పకూడదు అని అంటుంది కావ్య, నేను చెప్తేనే కదా మేడం తెలిసేది అని అంటుంది శృతి. ఇక రెండవ షరత్తు నేను ఆఫీస్ కి వచ్చి పని చెయ్యను, ఇంటి నుండే పని చేస్తాను అని అంటుంది కావ్య, ఓకే అని అంటుంది శృతి. ఆ తర్వాత నేను నెలవారీ జీతం తీసుకోను, డిజైన్ కి ఇంత అని తీసుకుంటాను అని అంటుంది కావ్య, ఇది సార్ ఒప్పుకుంటారో లేదో తెలియదు మేడం, కానీ నేను ఒప్పిస్తాను లేండి అని అంటుంది శృతి.
ఇంకా ఆమె మాట్లాడుతూ మీరు అంత పెద్ద కోటీశ్వరుడికి భార్య కదా, మీరు ఎందుకు మేడం పని చెయ్యడం అని అడగగా, నేను మా అమ్మా నాన్నల అప్పు తీర్చడానికి ఇదంతా చేస్తున్నాను, మీ సార్ కి చెప్తే నిమిషం లో అప్పు మొత్తం తీర్చేస్తాడు , కానీ నాకు అది ఇష్టం లేదు అందుకే ఈ పని చేస్తున్నాను, వెంటనే నీ డిజైన్స్ పంపు అని అంటుంది కావ్య.
కావ్య డిజైన్స్ మొత్తం చూసేసిన రాజ్:
ఇక రూమ్ లోకి వెళ్లిన తర్వాత డిజైన్స్ వెయ్యాలి, ఈయనేమో ఇంకా నిదరపోలేదు, ఎలా అయినా ఆయనని పడుకోబెట్టాలి అని కావ్య రకరకాల ప్రయత్నాలు చేస్తుంది. మొత్తానికి రాజ్ నిద్రపోతాడు. ఆయన నిద్రపోగానే కావ్య ఛార్ట్స్ పట్టుకొని వరండాలో కూర్చొని డిజైన్స్ వేస్తూ ఉంటుంది. మధ్యలో మెలుకవతో నిద్ర లేచిన రాజ్ కావ్య రూమ్ లో కనిపించకుండా ఉన్న సంగతి ని గమనించి, బయటికి వచ్చి చూస్తాడు. అక్కడ కావ్య డిజైన్స్ వేస్తూ ఉండగా, చాటుగా వచ్చి చార్ట్ లాక్కొని ఏమి డ్రా చేస్తుందో చూస్తాడు. కావ్య ముందుగానే రాజ్ రావడాన్ని గమనించి ముగ్గు డిజైన్ ని పెట్టుకొని ఉంటుంది, రాజ్ అది చూసి ఈ పిచ్చి గీతల కోసం అర్థ రాత్రి ఇక్కడ కూర్చున్నావా అని అంటాడు, అలా కాసేపు వాళ్ళిద్దరి మధ్య సెటైర్ల యుద్ధం జరుగుతుంది.
అప్పు కళ్యాణ్ కి ఫోన్ చేసి క్షమాపణలు చెప్పాలని అనుకోని ఇగో అడ్డు వచ్చి కేవలం మిస్ కాల్ ఇచ్చి ఊరుకుంటుంది. కానీ కళ్యాణ్ తిరిగి చెయ్యడు, బెట్టు చూపిస్తాడు, వీడికి ఇంత పొగరా అని అప్పు కళ్యాణ్ కి ఫోన్ చేసి చెడామడా తిట్టేస్తుంది. మరోపక్క స్వప్న కి మోడలింగ్ డైరెక్టర్ నుండి ఫోన్ అవకాశం ఇస్తున్నట్టుగా ఫోన్ వస్తుంది, దానికి ఆమె ఎంతో సంతోషిస్తుంది. ఇక రేపటి ఎపిసోడ్ లో కావ్య వేసిన డిజైన్స్ మొత్తం రాజ్ కంట పడుతాయి, అప్పుడు వెంటనే శృతి కి ఫోన్ చేసి నువ్వు హైర్ చేసుకున్న అమ్మాయి పేరు ఏంటి అని అడుగుతాడు, తర్వాత ఏమి జరిగిందో రేపటి ఎపిసోడ్ లో చూడాలి.