Dil Raju: టాలీవుడ్ టాప్ నిర్మాతలలో ఒకరైన దిల్ రాజు పేరు ఇప్పుడు మారుమొగుతుంది. ప్రతి సంక్రాంతి పండుగకు టాలీవుడ్ బాక్సాఫీస్ వద్ద భారీగా వ్యాపారం జరుగుతుంటది. సంక్రాంతి టార్గెట్ చేసుకొని చాలా సినిమాలు విడుదలవుతుంటాయి. ఆ రకంగానే ఈ సంక్రాంతి పండుగకు కూడా చాలా సినిమాలు విడుదలవుతున్నాయి. ఈ క్రమంలో కొన్ని సినిమాలకు భారీ ఎత్తున థియేటర్స్ దొరుకుతుంటాయి మరికొన్ని వాటికి దొరకవు. ఈ క్రమంలో నిర్మాత దిల్ రాజుపై కొన్ని వెబ్ సైట్లు నెగిటివ్ వార్తలు రాయడంతో ఆయన ఫుల్ సీరియస్ అయ్యారు. సోమవారం విలేకరుల సమావేశం నిర్వహించి అసత్య వార్తలు రాస్తున్న వెబ్ సైట్ లపై ఆగ్రహం వ్యక్తం చేశారు.
“హను మాన్” ప్రీ రిలీజ్ ఈవెంట్ లో చిరంజీవి మాట్లాడిన మాటలను కొన్ని వెబ్సైట్స్ తప్పుగా వక్రీకరించటంతో దిల్ రాజు సీరియస్ అయ్యారు. తప్పుడు వార్తలు రాస్తే తాటతీస్తానని తనదైన శైలిలో మండిపడ్డారు. నైజాంలో “హనుమాన్”, “గుంటూరు కారం” సినిమాలకు థియేటర్స్ ఉన్నాయి. నాగార్జున, వెంకటేష్ సినిమాలకు స్క్రీన్స్ దొరకడం లేదు. తప్పుడు రాతలు రాసి ఏం చేద్దాం అనుకుంటున్నారు..? నేను ఎప్పుడూ అందుబాటులో ఉంటాను. మీ వెబ్ సైట్ ల వ్యూస్ కోసం నా పేరు ఉపయోగిస్తే ఊరుకునే ప్రసక్తి లేదని.. హెచ్చరించారు.
ఇక ఇదే సమయంలో తన బ్యానర్ లో షూటింగ్ జరుపుకున్న “అయలాన్” సినిమా సంక్రాంతికి రిలీజ్ చేయడం లేదని స్పష్టం చేశారు. శివ కార్తికేయన్ నటించిన ఈ సినిమా ట్రైలర్ ఆడియన్స్ ని ఎంతగానో ఆకట్టుకుంది. తమిళ్ లో తెరకెక్కిన ఈ సినిమా సంక్రాంతికి విడుదల కాబోతున్నట్లు.. వార్తలు రావడంతో తాజా పరిస్థితులు వల్ల “అయలాన్” సినిమా వాయిదా వేసినట్లు దిల్ రాజు స్పష్టం చేశారు. ప్రతి సంక్రాంతి పండుగకు విడుదలయ్యే తెలుగు సినిమాలకు థియేటర్ల సమస్య సాధారణం. ఈ కారణాన్ని చూపి కొన్ని వెబ్ సైట్లు దిల్ రాజుకి వ్యతిరేకంగా వార్తలు రాయటంతో ఆయన మీడియా సమావేశం నిర్వహించి ఫుల్ సీరియస్ కావటం సంచలనం సృష్టించింది.
Family Star OTT Response: థియేటర్లలో అట్టర్ ఫ్లాప్.. ఓటీటీలో టాప్ లో ట్రెండింగ్.. థియేటర్లలోనే ఆడాలా ఏంటి? అంటున్న ఫ్యామిలీ స్టార్..!